iQOO 13: ఐక్యూ నుంచి ఫ్లాగ్‌షిప్ ఫోన్... ఇలా చేస్తే తక్కువ ధరకే మీ సొంతం

iQOO 13 pre-offer price: ఐక్యూ త్వరలో తన కొత్త ఫ్లాగ్‌షిప్ స్మార్ట్‌ఫోన్ iQOO 13ని భారతదేశంలో లాంచ్ చేయబోతోంది. దీన్ని డిసెంబర్ 3న అధికారికంగా ప్రారంభించారు. ప్రారంభానికి ముందు ఒక పెద్ద సమాచారం లీక్ అయింది. iQOO 13 ప్రీ-ఆఫర్ ధర రూ. 55,000 కంటే తక్కువగా ఉంటుంది.

ఇంటర్నెట్‌లోని సమాచారం ప్రకారం లాంచ్ ధర సుమారు రూ. 55,000 లేదా ఇంకొంచెం ఎక్కువగా ఉండవచ్చని స్పష్టమైంది. ఇంతకుముందు iQOO 12 రూ. 52,999కి ప్రారంభించారు. కాబట్టి ఈసారి ఈ ఫోన్ కొంచెం ప్రీమియం ధరతో వస్తుంది. బేస్ వేరియంట్‌లో 12GB RAM +256GB స్టోరేజ్ ఉండే అవకాశం ఉంది.

iQOO 13 ఇప్పటికే చైనాలో అందుబాటులో ఉంది. ఇది భారతదేశంలో కూడా అదే స్పెసిఫికేషన్లతో వస్తుంది. నివేదికల ప్రకారం iQOO 13 6.82-అంగుళాల 2K BOE Q10 8T LTPO OLED డిస్‌ప్లేను కలిగి ఉంటుంది, ఇది 144Hz రిఫ్రెష్ రేట్, HDR సపోర్ట్‌తో వస్తుంది. ఇది Qualcomm కొత్త స్నాప్‌డ్రాగన్ 8 ఎలైట్ ప్రాసెసర్‌ను కలిగి ఉంటుంది. 16GB వరకు LPDDR5x RAM+1TB UFS 4.0 ఇంటర్నల్ స్టోరేజ్ కలిగి ఉంటుంది.

iQOO 13 Features And Specifications

కెమెరా సెటప్ గురించి మాట్లాడితే ఇది మూడు 50MP వెనుక కెమెరాలను కలిగి ఉండవచ్చు. ఆప్టికల్ ఇమేజ్ స్టెబిలైజేషన్ (OIS), టెలిఫోటో లెన్స్ , OISతో అల్ట్రా-వైడ్ యాంగిల్ లెన్స్‌తో కూడిన ప్రైమరీ లెన్స్. దీని కెమెరా మాడ్యూల్‌లో "ఎనర్జీ హాలో" LED ఫీచర్ కూడా ఉండవచ్చు, ఇది ఆరు డైనమిక్ ఎఫెక్ట్‌లు, 12 కలర్ ఆప్షన్‌లను కలిగి ఉంటుంది. ఈ ఫోన్ సెల్ఫీల కోసం 32MP ఫ్రంట్ కెమెరాను కలిగి ఉంటుంది.

బ్యాటరీ గురించి మాట్లాడితే iQOO 13 6,150mAh బ్యాటరీని కలిగి ఉంటుంది, ఇది 120W ఫాస్ట్ ఛార్జింగ్‌కు సపోర్ట్ ఇస్తుంది. ఈ ఫోన్ IP68, IP69 రేటింగ్‌తో వస్తుంది, దీని కారణంగా ఇది వాటర్, డస్ట్ నుంచి ప్రొటక్ట్‌గా ఉంటుంది. కనెక్టివిటీలో Wi-Fi 7, బ్లూటూత్ 5.4, NFC, GPS , USB టైప్-C పోర్ట్ వంటి ఫీచర్లు ఉంటాయి.