Medaram: మేడారం మహాజాతర తేదీలు ఖరారు..!

Medaram Jathara 2025: ఆసియాలోనే అతిపెద్ద గిరిజన ఉత్సవంగా పేరుగాంచిన మేడారం మహా జాతర తేదీలను పూజారుల సంఘం అధికారికంగా ప్రకటించింది. ములుగు జిల్లా తాడ్వాయి మండలం మేడారంలో ఈ పుణ్యకార్యక్రమం వచ్చే ఏడాది జనవరి 28 నుంచి 31 వరకు వైభవంగా జరగనుంది.

జాతర ముఖ్యమైన తేదీలు ఇలా

జనవరి 28: సారలమ్మ, గోవిందరాజు, పగిడిద్దరాజు దేవతలను గద్దెలపై ప్రతిష్టిస్తారు.

జనవరి 29: సమ్మక్క తల్లి చిలకలగుట్ట నుంచి గద్దెకు చేరుకుంటుంది.

జనవరి 30: భక్తులు తమ మొక్కులు చెల్లించుకుంటారు.

జనవరి 31: అమ్మవార్లు వనప్రవేశం చేస్తారు.

పూజారుల సంఘం ప్రకటనలో ఈ వివరాలను వెల్లడించారు. మేడారం జాతరను పురస్కరించుకుని లక్షలాది భక్తులు దేశం నలుమూలల నుంచి తరలివచ్చే అవకాశం ఉంది.