Ration Cards: రేషన్ కార్డు లబ్దిదారులకు గుడ్ న్యూస్.. రేషన్ షాపుల్లో ఉచితంగా కోడి గుడ్లు..?

Ration Cards: రేషన్ కార్డు ఉన్నవారికి గుడ్ న్యూస్. ఏంటా అని అనుకుంటున్నారా..?. రేషన్ కార్డు ఉన్న వారికి రేషన్ షాపుల్లో కోడి గుడ్లు అందుబాటులోకి రానున్నాయి. మామూలుగా రేషన్ షాపుల్లో బియ్యం, చక్కెర, కందిపప్పు, గోధుమలు ఇస్తున్నారు. అయితే ఇకపై రేషన్ షాపుల్లో కోడి గుడ్లు కూడా ఇచ్చే ఛాన్స్ కనిపిస్తోంది. రేషన్ కార్డు ఉన్న వారికి కోడి గుడ్లు కూడా ఇవ్వాలనే ప్రతిపాదన తాజాగా తెరపైకి వచ్చింది.

సోమాజిగూడలోని ప్రెస్ క్లబ్‌లో తాజాగా నేషనల్ ఎగ్ చికెన్ ప్రమోషన్ కౌన్సిల్ కార్యక్రమం జరిగింది. ఇందులో పౌల్ట్రీ ఇండియా వ్యవస్థాపకుడు చక్రధర్ రావు, కౌన్సిల్ అధ్యక్షుడు బాలస్వామి పాల్గొన్నారు. సందర్భంగా వీరు ప్రభుత్వానికి విజ్ఞప్తి చేసినట్టు తెలుస్తోంది.

స్కూళ్లలో వారానికి 6 గుడ్లు, అంగన్‌వాడీల్లో గర్భిణీలకు రోజుకు 2 గుడ్లు ఇస్తున్నారని గుర్తు చేసిన నేషనల్ ఎగ్ చికెన్ ప్రమోషన్ కౌన్సిల్. రేషన్ కార్డు కలిగిన వారికి నెలకు కనీసం 30 గుడ్లు ఇవ్వాలని ప్రభుత్వానికి సిఫార్సు చేసింది. దీని వల్ల ప్రజలు అనారోగ్యం బారిన పడకుండా ఉంటారని తెలిపింది. గుడ్డులో అనేక పోషకాలు ఉంటాయి. పిల్లల నుంచి పెద్దల వరకు రోజుకు ఒక గుడ్డు తింటే మంచిదని వైద్యులు చెబుతున్నారు. దీంతో రేషన్ షాపుల్లో గుడ్లు కూడా పంపిణీ చేస్తే బాగుంటుందని తెలిపింది. మరి వీళ్ల విజ్ఞప్తి పై ప్రభుత్వం ఎలా స్పందిస్తుందో చూడాలి మరి. అయితే స్కూళ్లలో, అంగన్ వాడీల్లో గర్భిణీలకు గుడ్లు ఉచితంగా అందిస్తున్నారు. మరి రేషన్ కార్డు దారులకు ప్రభుత్వం ఉచితంగా ఇస్తుందా..? లేదా తక్కువ ధరకు అమ్ముతుందా చూడాలి.