Adilabad: ఆదిలాబాద్‌లో ఘనంగా మిలాద్ ఉన్ నబీ వేడుకలు!

Adilabad: మహమ్మద్ ప్రవక్త జన్మదినం పురస్కరించుకుని ముస్లిం సోదరులు మిలాద్ ఉన్ నబీ వేడుకలను ఆదిలాబాద్ జిల్లా వ్యాప్తంగా ఘనంగా జరుపుకున్నారు. నారే తక్బీర్.. అల్లహు అక్బర్ అంటూ మహమ్మద్ ప్రవక్త నామస్మరణతో ఆదిలాబాద్ పట్టణంలో భారీ ర్యాలీ నిర్వహించారు.

పట్టణంలోని వివిధ ప్రాంతాల నుంచి ముస్లింలు చేపట్టిన సామూహిక ర్యాలీ అంబేద్కర్ చౌక్ వరకు సాగింది. అక్కడ మత పెద్దలు మహమ్మద్ ప్రవక్త ప్రవచనాలు, వారి మార్గదర్శకాలను వినిపించారు. ఆయన చూపిన సన్మార్గాన్ని ఆచరించాలని సూచించారు. భారీ ర్యాలీ నేపథ్యంలో బందోబస్తును ఎస్పీ అఖిల్ మహాజన్ పర్యవేక్షించారు