Adilabad: మున్సిపల్ అధికారుల యాక్షన్.. బుల్డోజర్లతో ఆక్రమణల తొలగింపు!

అదిలాబాద్: అదిలాబాద్ పట్టణంలోని వివిధ ప్రాంతాల్లో మున్సిపల్ టౌన్ ప్లానింగ్ అధికారులు, సిబ్బంది కలిసి బుల్డోజర్లతో ఆక్రమణలను తొలగించారు. పంజాబ్ చౌక్, భుక్తాపూర్, ప్రధాన బస్ స్టాండ్ ఎదురుగా మరియు ఇందిరమ్మ కాలనీల్లో రోడ్లను ఆక్రమించి ఏర్పాటు చేసిన దుకాణాలు, నిర్మాణాలను అధికారులు తొలగించారు.

టౌన్ ప్లానింగ్ అధికారిణి సుమలత, టీపీఎస్ (TPS) నవీన్ కుమార్ గారి ఆధ్వర్యంలో, పోలీస్ శాఖ సహకారంతో ఈ కార్యక్రమం ముమ్మరంగా సాగింది. ఈ సందర్భంగా అధికారులు మాట్లాడుతూ.. పట్టణ సుందరీకరణకు, ప్రజల రాకపోకలకు ఇబ్బంది కలిగిస్తూ ఎక్కడైనా ప్రభుత్వ స్థలాలను ఆక్రమిస్తే ఉపేక్షించేది లేదని, చట్టపరమైన చర్యలు తీసుకుంటామని హెచ్చరించారు.