Nirmal: నిర్మల్‌లో ఆర్యవైశ్య సంఘం ఆధ్వర్యంలో అంగరంగ వైభవంగా నవరాత్రులు!
Nirmal: నిర్మల్ జిల్లా కేంద్రంలో పట్టణ ఆర్యవైశ్య సంఘం ఆధ్వర్యంలో నవరాత్రి ఉత్సవాలు ప్రారంభం. దుర్గామాత విగ్రహ ప్రతిష్టాపన, బతుకమ్మ సంబురాలు, కోలాటాలు.
Nirmal: నిర్మల్‌లో ఆర్యవైశ్య సంఘం ఆధ్వర్యంలో అంగరంగ వైభవంగా నవరాత్రులు!
Nirmal: నిర్మల్ జిల్లా కేంద్రంలో పట్టణ ఆర్యవైశ్య సంఘం ఆధ్వర్యంలో నవరాత్రి ఉత్సవాలు అంగరంగ వైభవంగా ప్రారంభమయ్యాయి. జిల్లా కేంద్రంలోని నాయిడివాడ చౌరస్తాలో గల సంఘ భవనంలో దుర్గామాత విగ్రహ ప్రతిష్టాపన కార్యక్రమాన్ని అంగరంగ వైభవంగా నిర్వహించారు. ఈ సందర్భంగా అమ్మవారి ఊరేగింపు కార్యక్రమాన్ని కన్నుల పండుగగా చేపట్టి ప్రత్యేక పూజలు నిర్వహించారు. అనంతరం బతుకమ్మ వేడుకలను ప్రారంభించారు. అనంతరం మహిళలు కోలాటాలు వేస్తూ బతుకమ్మ పాటలను పాడుతూ నృత్యాలు చేశారు.
ఆమెడ శ్రీధర్ ఆధ్వర్యంలో నిర్వహించిన ఈ కార్యక్రమంలో మహిళలు ఉత్సాహంగా పాల్గొన్నారు. అమ్మవారి పూజ అనంతరం భక్తులకు తీర్థ ప్రసాదాలు అందజేశారు. నవరాత్రి ఉత్సవాల్లో ప్రతిరోజు ప్రత్యేక కార్యక్రమాలు నిర్వహిస్తూ దాండియా తో పాటు సాంస్కృతిక కార్యక్రమాలు నిర్వహించనున్నట్లు ఆమెడ శ్రీధర్(లడ్డు సెట్) పేర్కొన్నారు.
