Adilabad: గణేష్ ఉత్సవాలు ప్రశాంతం: ఎస్పీని అభినందించిన ఉత్సవ సమితి!

ఆదిలాబాద్: ఎస్పీకి సనాతన హిందూ ఉత్సవ సమితి సత్కారం. గణపతి నవరాత్రి ఉత్సవాలను ఎలాంటి అవాంఛనీయ సంఘటనలు చేసుకోకుండా పూర్తి చేసినందుకుగాను సనాతన హిందూ సమితి సభ్యులు మంగళవారం సాయంత్రం జిల్లా పోలీసు ముఖ్య కార్యాలయంలో జిల్లా ఎస్పీ అఖిల్ మహాజన్ ని శాలువాతో సత్కరించి గణపతి చిత్రపటాన్ని బహుకరించారు.

డీజే లను వద్దంటూ సాంప్రదాయ వాయిద్యాలను వినియోగించి వినాయక నవరాత్రి ఉత్సవాలను మరియు నిమర్జనం ఉత్సవాలను పూర్తి చేసిన కమిటీ సభ్యులకు ప్రత్యేక అభినందనలు తెలియజేశారు. ఉత్సవాలలో ప్రజలకు ఎలాంటి అసౌకర్యం కలగకుండా శాంతిభద్రతల పరిరక్షణలో మహిళలు చిన్నారుల రక్షణలో జిల్లా పోలీసు శాఖ చేసిన సేవలను కొనియాడారు.

ఈ కార్యక్రమంలో సనాతన సనాతన హిందూ ఉత్సవ సమితి అధ్యక్షులు ప్రమోద్ కుమార్ ఖత్రి , ప్రధాన కార్యదర్శి రేణికుంట రవీందర్ , ఉపాధ్యక్షులు సామనపల్లి నర్సింలు, సురేష్ పాడ్వాల్ , మహిపాల్ , ఎన్నావర్ రాజు , సుభాష్ ఉరాడే , విజయ్ సభ్యులు పాల్గొన్నారు.