Chittoor: ఏనుగుల సంచారంపై పవన్ కళ్యాణ్ సమీక్ష!

Chittoor: చిత్తూరు జిల్లా పడిపుట్లబైలు పరిసరాల్లో ఏనుగుల సంచారంపై అధికారులతో సమీక్షించిన డిప్యూటీ సీఎం పవన్ కళ్యాణ్. కుంకీ ఏనుగులతో ఆపరేషన్ చేపట్టాలని ఆదేశం.

Published on: 28 Sept 2026 5:01 PM IST

Chittoor: ఏనుగుల సంచారంపై పవన్ కళ్యాణ్ సమీక్ష!

Chittoor: చిత్తూరు జిల్లా పడిపుట్లబైలు పరిసర ప్రాంతాల్లో ఏనుగుల సంచారంపై ఉప ముఖ్యమంత్రి, అటవీ పర్యావరణ శాఖల మంత్రి పవన్ కళ్యాణ్ అధికారులతో సమీక్షించారు. మానవ–ఏనుగు ఘర్షణలు తలెత్తకుండా ముందస్తు జాగ్రత్తలు తీసుకోవాలని అధికారులను ఆదేశించారు. ఏనుగుల గుంపును సురక్షితంగా తిరిగి అటవీ ప్రాంతంలోకి మళ్లించేందుకు అవసరమైన అన్ని చర్యలు చేపట్టాలని సూచించారు.

ప్రస్తుతం పడిపుట్లబైలు పంచాయతీ పరిసర ప్రాంతాల్లో గత 15 రోజులుగా 11 ఏనుగులతో కూడిన గుంపు సంచరిస్తున్నట్లు అధికారులు తెలిపారు. గుంపు నుంచి విడిపోయిన మరో రెండు ఏనుగులు కూడా వేర్వేరు ప్రాంతాల్లో తిరుగుతున్నట్లు వివరించారు. ఏనుగుల సంచారం కారణంగా పుండ్లవల్లపల్లి, నడింపల్లి, కొండకిందపల్లి గ్రామాల్లో వ్యవసాయ పంటలకు నష్టం వాటిల్లిందని రైతులు ఆవేదన వ్యక్తం చేస్తున్నారు.

ప్రస్తుతం ఒక ఏనుగుల గుంపు రహదారిని దాటి మంగళంపేట బీట్‌లోకి ప్రవేశించినట్లు అధికారులు పవన్ కళ్యాణ్‌కు వివరించారు. మరో రెండు ఏనుగులు కూడా రహదారి దాటి చిత్తూరు వైపు కదులుతున్నట్లు తెలిపారు. ఏనుగుల కదలికల నేపథ్యంలో పాకాల, పులిచెర్ల, చంద్రగిరి మండలాల పరిసర గ్రామాల్లో ప్రజలను అప్రమత్తం చేయాలని ఆదేశించారు.

ఏనుగులను అడవిలోకి మళ్లించేందుకు ముసలమడుగు శిబిరం నుంచి కుంకీ ఏనుగులను తీసుకువచ్చి ఆపరేషన్ చేపట్టాలని పవన్ కళ్యాణ్ సూచించారు. పరిస్థితిని బట్టి క్షేత్రస్థాయిలో అవసరమైన చర్యలు చేపట్టాలని అధికారులకు స్పష్టం చేశారు.

ఏనుగుల కదలికలపై హనుమాన్ బృందాలు, అటవీ శాఖ సిబ్బంది, పోలీసులు, రెవెన్యూ, విద్యుత్ శాఖల సమన్వయంతో నిరంతర నిఘా ఏర్పాటు చేయాలని ఆదేశించారు. ప్రమాదం ఉన్న గ్రామాల ప్రజలకు ఏనుగుల కదలికలపై ఎప్పటికప్పుడు సమాచారం అందించాలని సూచించారు. రాత్రి వేళల్లో ప్రజలు అప్రమత్తంగా ఉండేలా చర్యలు చేపట్టాలని చెప్పారు.

ప్రజల భద్రతకు అత్యంత ప్రాధాన్యం ఇవ్వడంతో పాటు ఏనుగులకు కూడా ఎలాంటి హాని కలగకుండా చూడాలని పవన్ కళ్యాణ్ స్పష్టం చేశారు. సాధ్యమైనంత త్వరగా వాటిని సురక్షితంగా అటవీ ప్రాంతాల వైపు మళ్లించేందుకు సమన్వయంతో పనిచేయాలని ఆదేశించారు.

ఇక ఏనుగుల కారణంగా పంటలు నష్టపోయిన రైతుల వివరాలను సేకరించి, నిబంధనల మేరకు తక్షణమే పరిహారం అందేలా చర్యలు తీసుకోవాలని అధికారులను ఆదేశించారు. ప్రజల భద్రత, పంటల పరిరక్షణ, మానవ–ఏనుగు ఘర్షణల నివారణ, వన్యప్రాణుల సంరక్షణ—ఈ నాలుగు అంశాలపై అన్ని శాఖలు సమన్వయంతో పనిచేయాలని పవన్ కళ్యాణ్ స్పష్టం చేశారు.

ఏనుగుల సంచారం పట్ల నిరంతరం అప్రమత్తంగా వ్యవహరించాలి •మానవ–ఏనుగు ఘర్షణలు తలెత్తకుండా ముందస్తు జాగ్రత్తలు తీసుకోవాలి •అడవిలోకి మళ్లించేందుకు ఏర్పాట్లు చేయండి • ⁠కుంకీ ఏనుగులని రంగంలోకి దించండి •హనుమాన్ బృందాలు, పోలీసు, రెవెన్యూ సహకారంతో ఏనుగుల సంచారంపై నిరంతర నిఘా •ఏనుగుల సంచారం ఆధారంగా పరిసర గ్రామాల ప్రజల్ని అప్రమత్తం చేయాలి •పంట నష్టం జరిగిన రైతులకు తక్షణం పరిహారం చెల్లించే ఏర్పాటు •చిత్తూరు జిల్లా, పడిపుట్లబైలు సమీపంలో ఏనుగుల సంచారంపై సమీక్షించిన ఉప ముఖ్యమంత్రివర్యులు శ్రీ @PawanKalyan గారు చిత్తూరు జిల్లా, పడిపుట్లబైలు సమీపంలో సంచరిస్తున్న ఏనుగుల గుంపును అడవిలోకి మళ్లించేందుకు అవసరమైన చర్యలు తీసుకోవాలని రాష్ట్ర ఉప ముఖ్యమంత్రివర్యులు, అటవీ పర్యావరణ శాఖల మంత్రి శ్రీ పవన్ కళ్యాణ్ గారు అధికారులను ఆదేశించారు. ముసలమడుగు శిబిరం నుంచి కుంకీ ఏనుగులను తీసుకువచ్చి ఆపరేషన్ చేపట్టాలని సూచించారు. హనుమాన్ బృందాలు, పోలీసు, రెవెన్యూ, విద్యుత్ శాఖల సమన్వయంతో ఏనుగుల కదలికలపై నిరంతర నిఘా ఏర్పాటు చేయాలని స్పష్టం చేశారు. సోమవారం పడిపుట్లబైలు ఏనుగుల సంచారంపై అటవీ శాఖ అధికారులతో ఉప ముఖ్యమంత్రివర్యులు సమీక్షించారు. ప్రజల భద్రతకు ప్రాధాన్యమివ్వడంతోపాటు పరిసర గ్రామాల్లో మానవ–ఏనుగు ఘర్షణలు తలెత్తకుండా అవసరమైన అన్ని ముందస్తు చర్యలు చేపట్టాలని పేర్కొన్నారు. గత 15 రోజులుగా 11 ఏనుగులతో కూడిన గుంపు, గుంపు నుంచి విడిపోయిన మరో రెండు ఏనుగులు పడిపుట్లబైలు పంచాయతీ పరిసర ప్రాంతాల్లో సంచరిస్తూ పుండ్లవల్లపల్లి, నడింపల్లి, కొండకిందపల్లి గ్రామాల్లో వ్యవసాయ పంటలకు నష్టం కలిగిస్తున్నట్టు రైతులు ఆవేదనలో ఉన్నారు. ప్రస్తుతం అందుబాటులో ఉన్న సమాచారం మేరకు ఒక ఏనుగుల గుంపు రహదారిని దాటి మంగళంపేట బీట్‌లోకి ప్రవేశించగా, మరో రెండు ఏనుగులు కూడా రహదారి దాటి చిత్తూరు వైపు కదులుతున్నట్టు వివరించారు. ఈ ఏనుగుల సంచారం పాకాల, పులిచెర్ల, చంద్రగిరి మండలాల ప్రజలకు ముప్పుగా మారే అవకాశం ఉందని అధికారులు తెలిపారు. ఈ సందర్భంగా తీసుకోవాల్సిన జాగ్రత్తలపై శ్రీ పవన్ కళ్యాణ్ గారు దిశానిర్దేశం చేశారు. “ఎప్పటికప్పుడు అప్రమత్తంగా ఉండాలి. ఎప్పటికప్పుడు ఏనుగుల కదలికలను పోలీసు, రెవెన్యూ, విద్యుత్, తత్సంబంధిత తదితర శాఖలు, హనుమాన్ బృందాలతో సమన్వయం చేసుకుంటూ నిరంతరం పర్యవేక్షించాలి. అలాగే, క్షేత్రస్థాయి బృందాలు నిరంతర నిఘా కొనసాగిస్తూ, ప్రమాదానికి అవకాశం ఉన్న గ్రామాల ప్రజలను అప్రమత్తం చేయాలి. సాధ్యమైన చోట ఏనుగుల కారణంగా ప్రజలకు ఎలాంటి హాని కలగకుండా చూసుకోవాలి. వాటిని సురక్షితంగా తిరిగి అటవీ ప్రాంతాల వైపు మళ్లించే చర్యలు చేపట్టాలి. ప్రజల భద్రత, వ్యవసాయ పంటల పరిరక్షణ, మానవ–ఏనుగు ఘర్షణల నివారణ, వన్యప్రాణుల సంరక్షణ కోసం అన్ని శాఖలు సమన్వయంతో పనిచేయాల”ని స్పష్టం చేశారు. @HANUMAN_APGOV @APFDOfficial @PIB_India @IPR_AP @pibvijayawada
— Deputy CMO, Andhra Pradesh (@APDeputyCMO) September 28, 2026