Guntakal: గుంతకల్లులో ఘనంగా డాక్టర్ ఏపీజే అబ్దుల్ కలాం వర్ధంతి

గుంతకల్లు: అనంతపురం జిల్లా గుంతకల్లు భారతదేశ మాజీ రాష్ట్రపతి, భారతరత్న డాక్టర్ ఏపీజే అబ్దుల్ కలాం గారి *11వ వర్ధంతి*ని సోమవారం గుంతకల్లు పట్టణంలో ఘనంగా నిర్వహించారు.

60 అడుగుల రోడ్డు*లోని *డాక్టర్ ఏపీజే అబ్దుల్ కలాం సర్కిల్ వద్ద ఉన్న ఆయన విగ్రహానికి వైఎస్సార్సీపీ ఆధ్వర్యంలో పూలమాలలు వేసి నివాళులర్పించారు.

ఈ సందర్భంగా వైఎస్సార్సీపీ జిల్లా ఉపాధ్యక్షురాలు శ్రీమతి వై. నైరుతి రెడ్డి గారు మాట్లాడుతూ, డాక్టర్ ఏపీజే అబ్దుల్ కలాం దేశాభివృద్ధికి, శాస్త్ర సాంకేతిక రంగానికి అందించిన సేవలు చిరస్మరణీయమని కొనియాడారు.

"యువతకు ఆయన జీవితం ఆదర్శం. కలలు కనడమే కాకుండా వాటిని నిజం చేసుకునేలా కృషి చేయాలని ఆయన అందించిన సందేశం ప్రతి ఒక్కరికీ స్ఫూర్తిదాయకం. దేశ అభ్యున్నతికి ఆయన చేసిన సేవలు ఎన్నటికీ మరువలేనివి" అని ఆమె అన్నారు.

ఈ కార్యక్రమంలో వైఎస్సార్సీపీ పార్టీ పట్టణ, మండల అధ్యక్షులు, వివిధ అనుబంధ విభాగాల నియోజకవర్గ అధ్యక్షులు, మహిళా నాయకురాళ్లు, మాజీ కౌన్సిలర్లు, వార్డు ఇన్‌చార్జులు, సీనియర్ నాయకులు, ముస్లిం మైనారిటీ నాయకులు, కార్యకర్తలు, యువకులు, విద్యార్థులు పెద్ద సంఖ్యలో పాల్గొని నివాళులర్పించారు.