Rayadurgam: ఎమ్మెల్యే శ్రీనివాసులు ఆధ్వర్యంలో పర్యావరణ సైకిల్ ర్యాలీ!
Rayadurgam: ప్రపంచ పర్యావరణ దినోత్సవం సందర్భంగా రాయదుర్గంలో ఎమ్మెల్యే, ప్రభుత్వ విప్ కాలవ శ్రీనివాసులు ఆధ్వర్యంలో భారీ అవగాహన సైకిల్ ర్యాలీ నిర్వహించారు.
Rayadurgam: ఎమ్మెల్యే శ్రీనివాసులు ఆధ్వర్యంలో పర్యావరణ సైకిల్ ర్యాలీ!
Rayadurgam: ప్రపంచ పర్యావరణ దినోత్సవాన్ని పురస్కరించుకుని రాయదుర్గంలో ఎమ్మెల్యే, ప్రభుత్వ విప్ కాలవ శ్రీనివాసులు ఆధ్వర్యంలో అవగాహన సైకిల్ ర్యాలీ నిర్వహించారు. మున్సిపల్ కార్యాలయం నుంచి డ్రైవర్స్ కాలనీ వరకు సాగిన ఈ ర్యాలీలో ప్రజలు, పార్టీ నాయకులు, విద్యార్థులు, యువత ఉత్సాహంగా పాల్గొన్నారు.
ర్యాలీ సందర్భంగా పర్యావరణ పరిరక్షణ, చెట్ల పెంపకం, ప్లాస్టిక్ వినియోగ నియంత్రణ వంటి అంశాలపై ప్రజలకు అవగాహన కల్పించారు. ఈ సందర్భంగా ఎమ్మెల్యే కాలవ శ్రీనివాసులు మాట్లాడుతూ, పర్యావరణాన్ని కాపాడటం ప్రతి పౌరుడి బాధ్యత అని పేర్కొన్నారు. భవిష్యత్ తరాలకు స్వచ్ఛమైన, ఆరోగ్యకరమైన వాతావరణాన్ని అందించాలంటే ప్రతి ఒక్కరూ మొక్కలు నాటి వాటిని సంరక్షించాలని పిలుపునిచ్చారు.
ర్యాలీ అనంతరం డ్రైవర్స్ కాలనీ ప్రాంతంలో మొక్కలు నాటి పర్యావరణ పరిరక్షణకు తమ వంతు సహకారం అందించాలని ప్రజలను కోరారు. రాష్ట్ర ప్రభుత్వం పర్యావరణ పరిరక్షణకు ప్రత్యేక ప్రాధాన్యత ఇస్తోందని, ప్రజల భాగస్వామ్యంతో హరితాంధ్రప్రదేశ్ లక్ష్యాన్ని సాధించగలమని తెలిపారు.
ఈ కార్యక్రమం ద్వారా పర్యావరణ పరిరక్షణపై ప్రజల్లో చైతన్యం పెంపొందించడమే లక్ష్యమని నిర్వాహకులు పేర్కొన్నారు.