Guntakal: ఆంజనేయ స్వామి సన్నిధిలో యోగా సందడి.. కసాపురంలో ఏడవ రోజు ఉత్సవాలు!

Guntakal: కసాపురం శ్రీ నెట్టికంటి ఆంజనేయ స్వామి వారి దేవస్థానంలో యోగా ఉత్సవాలు అంగరంగ వైభవంగా కొనసాగుతున్నాయి. ఉత్సవాల్లో భాగంగా ఏడవ రోజైన శనివారం, ఉదయం 7:00 నుండి 8:00 గంటల వరకు దేవస్థానం ముందు ప్రాంగణంలో ప్రత్యేక యోగా కార్యక్రమాన్ని నిర్వహించారు.

గుంతకల్లుకు చెందిన ప్రముఖ అంతర్జాతీయ యోగా శిక్షకులు శ్రీ జి. వంశీకృష్ణ ఈ కార్యక్రమానికి ముఖ్య అతిథిగా హాజరై, యోగా ప్రాముఖ్యతను వివరించారు. ఈ సందర్భంగా ఆయన పలు రకాల యోగాసనాలు, ప్రాణాయామం మరియు ధ్యాన పద్ధతులను భక్తులకు, గ్రామ ప్రజలకు నేర్పించారు.

ఈ యోగా కార్యక్రమంలో ఆలయ అధికారులు, వేద పండితులు, అర్చకులు మరియు ఆలయ సిబ్బందితో పాటు పెద్ద సంఖ్యలో భక్తులు, గ్రామస్తులు పాల్గొన్నారు. భక్తి భావంతో పాటు ఆరోగ్యంపై అవగాహన పెంచుకోవాలనే ఉద్దేశంతో నిర్వహించిన ఈ కార్యక్రమం పట్ల స్థానికులు హర్షం వ్యక్తం చేశారు.