Giddalur: గిద్దలూరు అభివృద్ధిపై కలెక్టర్, ఎమ్మెల్యే సుదీర్ఘ సమీక్ష

Giddalur: మార్కాపురం జిల్లా,, గిద్దలూరు పట్టణంలోని తిరుమల కన్వెన్షన్ హాల్ నందు నియోజకవర్గ అభివృద్ధి పనులపై జిల్లా కలెక్టర్‌ విజయ సునీత తో ఎమ్మెల్యే ముత్తుముల అశోక్ రెడ్డి సమీక్షా సమావేశం నిర్వహించారు,

ఈ సమావేశం ప్రధానంగా నియోజకవర్గంలోని పెండింగ్ ప్రాజెక్టులు మరియు ప్రజా సమస్యల పరిష్కారంపై దృష్టి సారించింది చర్చకు వచ్చిన జలధార - జల హారతి ద్వారా నియోజకవర్గ లోని 176 చెరువుల నీటి నిల్వలు, కాలువల పూడిక , మరమత్తులు వంటివి పూర్తి చేయాలని సాగునీరు మరియు తాగునీరు వెలిగొండ ప్రాజెక్టు పనులు కాల్వల నిర్మాణం మరియు వేసవి దృష్ట్యా గ్రామాల్లో తాగునీటి ఎద్దడి కలగకుండా గ్రామ స్థాయిలో వెళ్లి ప్రజలకు వివరించాలి చూడాలని కలెక్టర్ మరియు ఎమ్మెల్యే అధికారులను ఆదేశించారు.

​ నియోజకవర్గంలోని ప్రధాన రహదారుల మరమ్మతులు, పెండింగ్‌లో ఉన్న బి.టి. రోడ్ల పనులను త్వరితగతిన పూర్తి చేయాలని కోరారు. ​సచివాలయాలు, రైతు భరోసా కేంద్రాలు మరియు హెల్త్ క్లినిక్‌ల నిర్మాణాలను పూర్తి చేసి ప్రజలకు అందుబాటులోకి తీసుకురావాలని చర్చించారు. ​అర్హులైన ప్రతి ఒక్కరికీ ప్రభుత్వ పథకాలు అందేలా చూడాలని, లబ్ధిదారుల ఎంపికలో పారదర్శకత ఉండాలని కలెక్టర్‌కు విన్నవించారు.

క్షేత్రస్థాయిలో ఉన్న సమస్యలను నేరుగా కలెక్టర్ దృష్టికి తీసుకెళ్లి, నిధుల మంజూరు మరియు పనుల వేగవంతం గా పూర్తి చేసుకోవడానికి ఈ సమావేశంలో పొందుపరిచారు, కార్యక్రమంలో కలెక్టర్ మరియు ఎమ్మెల్యే తో పాటు J.C పులి శ్రీనివాసులు , RDO పెంచెల ప్రభాకర్ , APCPDC (S.C) K. వెంకటేశ్వర్లు , నియోజకవర్గ స్థాయి MRO , MPDO , RWS , విద్యుత్ శాఖ అధికారులు సంబంధిత అధికారులు ఈ సమీక్ష సమావేశంలో పాల్గొన్నారు.