Pawan Kalyan Divorce: పవన్ విడాకుల వెనుక అసలు నిజం ఇదేనా?.. వేణుస్వామి పాత వీడియో వైరల్!

Pawan Kalyan Divorce: ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కళ్యాణ్ మరియు ఆయన భార్య అన్నా లెజ్నెవా పరస్పర అంగీకారంతో విడిపోతున్నట్లు వచ్చిన అధికారిక వార్త తెలుగు రాష్ట్రాల్లో తీవ్ర సంచలనం సృష్టిస్తోంది. విడిపోయినప్పటికీ తాము మిత్రులుగా కొనసాగుతామని, తమ పిల్లల పెంపకంలో తల్లిదండ్రులుగా బాధ్యతలను నెరవేరుస్తామని వారు స్పష్టం చేశారు.

ఎంతో అన్యోన్యంగా ఉండే పవన్ - అన్నా లెజ్నెవా దంపతులు ఉన్నట్టుండి విడిపోతున్నట్లు సోమవారం రాత్రి ప్రకటన రావడం పవన్‌స్టార్ అభిమానులను తీవ్ర షాక్‌కు గురిచేసింది. గతంలో పవన్ తీవ్ర అనారోగ్యానికి గురైనప్పుడు ముంబై ఆసుపత్రి చికిత్స అనంతరం అన్నా లెజ్నెవా కాలి నడకన తిరుమలకు కూడా వెళ్లారు. పవన్ కోసం ఆమె హిందూ మతాన్ని కూడా స్వీకరించారు. అయితే, ఇటీవల పవన్ కేరళలో 25 రోజుల పాటు ఆయుర్వేద చికిత్స తీసుకున్న సమయంలో ఆమె దూరంగా ఉన్నారు. అలాగే అక్టోబర్‌లో అన్నా తన అధికారిక ఇన్‌స్టాగ్రామ్ ఖాతాను డీయాక్టివేట్ చేయడంపై ఇప్పటికే అనేక ఊహాగానాలు రాగా, తాజాగా వచ్చిన విడాకుల వార్తతో వాటన్నింటికీ స్పష్టత వచ్చినట్లయింది.

ఈ విడాకుల వ్యవహారం అధికారికంగా వెలుగులోకి వచ్చిన వెంటనే సెలబ్రిటీ జ్యోతిష్యుడు వేణుస్వామికి సంబంధించిన ఒక పాత వీడియో సోషల్ మీడియాలో విపరీతంగా వైరల్ అవుతోంది. సరిగ్గా మూడేళ్ల కిందట పవన్ కళ్యాణ్ జాతకం చూసి ఆయన నాలుగో పెళ్లి చేసుకునే అవకాశం ఉందంటూ వేణుస్వామి చేసిన వ్యాఖ్యల వీడియోను ఇప్పుడు ఆయన మళ్లీ ఫేస్‌బుక్‌లో రీపోస్ట్ చేశారు.

వేణుస్వామి వీడియోను కోట్ చేస్తూ నెటిజన్లు, పవన్ వ్యతిరేకులు తీవ్ర స్థాయిలో చర్చలు మొదలుపెట్టారు. నాలుగో పెళ్లి ఆలోచన లేకపోతే విడాకులు ఎందుకు తీసుకుంటారంటూ సోషల్ మీడియాలో వ్యాఖ్యలు చేస్తున్నారు. దీంతో పవన్ విడాకుల అంశం కాస్త 'పవన్ వర్సెస్ వేణుస్వామి' వివాదంగా మారి నెట్టింట హాట్ టాపిక్‌గా మారింది.