Yanamala Ramakrishnudu: అస్వస్థతతో ఆస్పత్రిలో చేరిన మాజీ మంత్రి యనమల..

Yanamala Ramakrishnudu: తెలుగుదేశం పార్టీ సీనియర్ నాయకుడు, మాజీ మంత్రి యనమల రామకృష్ణుడు అస్వస్థతకు గురయ్యారు. హఠాత్తుగా అనారోగ్య సమస్య తలెత్తడంతో కుటుంబ సభ్యులు ఆయనను తక్షణమే కాకినాడలోని ట్రస్ట్ మల్టీస్పెషాలిటీ ఆస్పత్రికి తరలించారు. ప్రస్తుతం వైద్యుల బృందం ఆయనకు మెరుగైన వైద్య సేవలు అందిస్తోంది.

యనమల రామకృష్ణుడు ఆస్పత్రిలో చేరిన విషయం తెలిసిన వెంటనే ముఖ్యమంత్రి నారా చంద్రబాబు నాయుడు స్పందించారు. యనమల కుటుంబసభ్యులకు, ఆస్పత్రి వైద్యులకు ఫోన్ చేసి మాట్లాడి ఆయన ఆరోగ్య పరిస్థితిని, అందిస్తున్న చికిత్స వివరాలను అడిగి తెలుసుకున్నారు. మెరుగైన వైద్యం అందించాలని వైద్యులకు సూచించారు.

యనమల ఆరోగ్య పరిస్థితిపై ఎప్పటికప్పుడు సమాచారం ఇవ్వాలని పార్టీ స్థానిక నాయకులను సీఎం ఆదేశించారు. ముఖ్యమంత్రి సూచన మేరకు కాకినాడ ఎంపీ సానా సతీశ్ వెంటనే కాకినాడలోని ట్రస్ట్ ఆస్పత్రికి చేరుకున్నారు. యనమలను పరామర్శించి, చికిత్స అందిస్తున్న వైద్యులతో మాట్లాడి ఆయన ఆరోగ్య పరిస్థితిని దగ్గరుండి పర్యవేక్షిస్తున్నారు.