TDP New Committees: టీడీపీ నూతన కార్యవర్గ ప్రమాణస్వీకారం.. కార్యనిర్వాహక అధ్యక్షుడిగా నారా లోకేశ్!

TDP New Committees: తెలుగుదేశం పార్టీ నూతన కార్యవర్గ ప్రమాణస్వీకార మహోత్సవం పార్టీ కేంద్ర కార్యాలయంలో అత్యంత వైభవంగా జరిగింది. పార్టీ జాతీయ అధ్యక్షుడు, ముఖ్యమంత్రి నారా చంద్రబాబు నాయుడు నూతన కమిటీల సభ్యులతో ప్రమాణస్వీకారం చేయించారు. ఈ కార్యక్రమం పార్టీ శ్రేణుల్లో కొత్త ఉత్సాహాన్ని నింపింది.

ఈ కీలక భేటీలో పార్టీ కార్యనిర్వాహక అధ్యక్షుడిగా మంత్రి నారా లోకేశ్‌ అధికారికంగా బాధ్యతలు స్వీకరించారు. పార్టీని మరింత క్షేత్రస్థాయికి తీసుకెళ్లడంలో ఆయన కీలక పాత్ర పోషించనున్నారు. లోకేశ్‌తో పాటు పొలిట్‌ బ్యూరో సభ్యులు, జాతీయ మరియు రాష్ట్ర కమిటీల ప్రతినిధులు ఈ సందర్భంగా ప్రమాణం చేశారు.

టీడీపీ చరిత్రలో ఎన్నడూ లేని విధంగా ఈసారి కమిటీల కూర్పులో వినూత్న మార్పులు చేశారు. కేవలం సీనియర్లకే కాకుండా, మండల మరియు క్లస్టర్‌ స్థాయి నేతలకు సైతం పొలిట్‌ బ్యూరోలో చోటు కల్పించడం విశేషం. పాత తరం అనుభవం, కొత్త తరం ఉత్సాహాన్ని మేళవిస్తూ చంద్రబాబు ఈ కమిటీలను రూపొందించారు. పార్టీ కోసం కష్టపడిన కార్యకర్తలకు సముచిత స్థానం కల్పిస్తామన్న హామీని ఈ రూపంలో నెరవేర్చారు.