Tirumala: తిరుమలలో 'ఏకాదశి' రద్దీ.. సర్వదర్శనానికి 20 గంటలు!

Tirumala: తొలి ఏకాదశి పర్వదినంతో పాటు శనివారం కూడా కలిసి రావడంతో తిరుమల తిరుపతి దేవస్థానంలో (TTD) భక్తుల రద్దీ అభూతపూర్వంగా పెరిగింది. స్వామివారి దర్శనార్థం దేశ నలుమూలల నుంచి వేలాదిగా భక్తులు తరలివచ్చారు. దీంతో వైకుంఠం క్యూ కాంప్లెక్స్‌లోని కంపార్ట్‌మెంట్లన్నీ నిండిపోయి, బయట ఉన్న క్యూలైన్లలో భక్తులు గంటల తరబడి వేచి ఉన్నారు.

టికెట్లు లేని భక్తులకు శ్రీవారి సర్వదర్శనానికి సుమారు 20 గంటల సమయం పడుతోందని టీటీడీ అధికారులు వెల్లడించారు. భక్తుల రద్దీ తీవ్రంగా ఉన్నందున తిరుమలకు వచ్చేవారు తగిన ముందస్తు ప్రణాళికలతో రావాలని అధికారులు విజ్ఞప్తి చేస్తున్నారు.

ఒక్కరోజే రూ.4.98 కోట్ల హుండీ ఆదాయం

శుక్రవారం నాడు తిరుమల శ్రీవారిని మొత్తం 78,721 మంది భక్తులు దర్శించుకున్నారు. వీరిలో 38,018 మంది భక్తులు స్వామివారికి తలనీలాలు సమర్పించి మొక్కులు చెల్లించుకున్నారు. అదే రోజు శ్రీవారి హుండీ ఆదాయం రూ.4.98 కోట్లుగా నమోదైనట్లు టీటీడీ సమాచారం ఇచ్చింది.

ఆగస్టు 1 నుంచి శ్రీవారి పుష్కరిణి మూసివేత!

మరోవైపు తిరుమల శ్రీవారి పుష్కరిణికి సంబంధించి టీటీడీ ఒక ముఖ్యమైన ప్రకటన విడుదల చేసింది. ఆగస్టు 1వ తేదీ నుంచి సెప్టెంబర్ 10వ తేదీ వరకు (మొత్తం 40 రోజుల పాటు) శ్రీవారి పుష్కరిణిని మూసివేయనున్నారు.

ఆగస్టు 1 – 31: పుష్కరిణి నీటిని పూర్తిగా ఖాళీ చేసి, మరమ్మతులు మరియు ప్రతి వార్షిక శోధన పనులు చేపడతారు.

సెప్టెంబర్ 1 – 10: వార్షిక బ్రహ్మోత్సవాల ఏర్పాట్లలో భాగంగా ముందస్తు చర్యలు చేపడతారు.

ఈ 40 రోజుల వ్యవధిలో శ్రీవారి పుష్కరిణి వద్ద నిర్వహించే సాయంత్రపు హారతి కార్యక్రమాన్ని తాత్కాలికంగా నిలిపివేస్తున్నట్లు అధికారులు స్పష్టం చేశారు.