Car Safety Tips: పిల్లలతో కారులో వెళ్తున్నారా? ఈ తప్పులు అస్సలు చేయకండి
Car Safety Tips: కారులో ప్రయాణం చేసేప్పుడు కొన్ని జాగ్రత్తలు తీసుకోవాలి. మరీ ముఖ్యంగా కారులో చిన్నారులు ఉంటే సేఫ్టీపై మరింత దృష్టి పెట్టుకోవాలి.
Car Safety Tips: పిల్లలతో కారులో వెళ్తున్నారా? ఈ తప్పులు అస్సలు చేయకండి
Car Safety Tips: పిల్లలను ఎప్పుడూ కారులో వెనుక సీట్లో కూర్చోపెట్టడం సురక్షితం. చిన్న ప్రమాదం జరిగినా ముందు కూర్చున్న వారికి ఎక్కువ ప్రమాదం జరిగే అవకాశం ఉంటుంది. అందులోనూ వేగంగా ఓపెన్ అయ్యే ఎయిర్ బ్యాగ్తో చిన్నారులకు ప్రమాదం ఎక్కువగా ఉంటుంది. అందుకే పిల్లలు వెనుక సీట్లో కూర్చోవడం ఉత్తమం.
చైల్డ్ సేఫ్టీ సీట్ తప్పనిసరి
పిల్లల కోసం ప్రత్యేకంగా రూపొందించిన చైల్డ్ సేఫ్టీ సీట్ ఉపయోగించడం చాలా అవసరం. ఈ సీట్ పిల్లలను బలంగా పట్టుకుని ఉంచుతుంది. అకస్మాత్తుగా బ్రేక్ వేయడం లేదా యాక్సిడెంట్ జరిగినప్పుడు గాయాల నుంచి రక్షిస్తుంది. చిన్న పిల్లలు ఉంటే ఈ సీట్ వాడటం తప్పనిసరి.
సీట్ బెల్ట్ లేకుండా ప్రయాణం చేయొద్దు
చాలా మంది పిల్లలను ఒడిలో కూర్చోపెట్టి లేదా సీట్ బెల్ట్ లేకుండా తీసుకెళ్తారు. ఇది చాలా ప్రమాదకరం. ప్రమాద సమయంలో పిల్లలు తీవ్రంగా గాయపడే అవకాశం ఉంటుంది. కాబట్టి పిల్లలకు సరైన సీట్ బెల్ట్ లేదా హార్నెస్ తప్పనిసరిగా పెట్టాలి.
డోర్లు, కిటికీలకు చైల్డ్ లాక్ ఉపయోగించండి
డ్రైవింగ్ చేస్తున్నప్పుడు పిల్లలు ఆడుతూ డోర్లు లేదా కిటికీలు తెరవచ్చు. ఇది ప్రమాదానికి దారితీస్తుంది. అందుకే ఎప్పుడూ చైల్డ్ లాక్ ఆన్ చేసి ఉంచాలి. ఇది చిన్నపిల్లల భద్రతకు చాలా ఉపయోగపడుతుంది.
కారులో పిల్లలను ఒంటరిగా వదలొద్దు
చాలా మంది చేసే పెద్ద తప్పిదం ఏమిటంటే పిల్లలను కారులో ఒంటరిగా వదిలేయడం. ముఖ్యంగా వేసవిలో కారులో ఉష్ణోగ్రత వేగంగా పెరుగుతుంది. ఇది హీట్ స్ట్రోక్కు కారణమవుతుంది. కాబట్టి ఎంత తక్కువ సమయం అయినా పిల్లలను కారులో ఒంటరిగా వదలకండి. అలాగే డ్రైవింగ్ కూడా నెమ్మదిగా, జాగ్రత్తగా చేయాలి.
Mokshith
2015లో జర్నలిజం స్కూల్ ద్వారా నా కెరీర్ను ప్రారంభించాను. అనంతరం 2016 నుంచి పలు మీడియా సంస్థల్లో పనిచేశాను. మొదట ప్రింట్ ఆ తర్వాత డిజిటల్లో కలిపి మొత్తం 10 ఏళ్ల అనుభవం ఉంది. నేను ఎక్కువగా లైఫ్స్టైల్, అంతర్జాతీయం, టెక్నాలజీ, బిజినెస్, ఆస్ట్రాలజీకి సంబంధించి వార్తలు రాస్తుంటాను.