Hyundai Creta : హ్యుందాయ్ క్రెటా లైనప్‌లో బిగ్ చేంజ్.. కొన్ని మోడల్స్ క్లోజ్..!

Hyundai Creta : ఇండియన్ రోడ్ల మీద ఎస్‌యూవీ (SUV) సెగ్మెంట్‌లో మోస్ట్ పాపులర్ కార్ అయిన హ్యుందాయ్ క్రెటా (Hyundai Creta) గురించి ఒక ఇంట్రెస్టింగ్ న్యూస్ బయటకు వచ్చింది. తన కస్టమర్లకు వేరియంట్ల సెలెక్షన్‌లో ఎటువంటి కన్ఫ్యూజన్ లేకుండా ఉండేందుకు, హ్యుందాయ్ కంపెనీ తన క్రెటా వేరియంట్ లైనప్‌ను సైలెంట్‌గా అప్‌డేట్ చేసింది. ఇందులో భాగంగా కొన్ని పాత ట్రిమ్స్‌ను తొలగించి, మరికొన్ని కొత్త ఆప్షన్లను అందుబాటులోకి తెచ్చింది. ముఖ్యంగా బయ్యర్లకు ఏ వేరియంట్ లో ఏ ఫీచర్స్ ఉన్నాయో ఈజీగా అర్థం కావాలనే ఉద్దేశంతోనే ఈ మార్పులు చేసినట్లు తెలుస్తోంది. దీని డిజైన్ లేదా ఇంజిన్ పర్ఫార్మెన్స్‌లో మాత్రం ఎటువంటి చేంజెస్ లేవు.

వేరియంట్స్ లైనప్‌లో కీలక మార్పులు , కొత్త ధరలు

ఈ లేటెస్ట్ అప్‌డేట్ తర్వాత హ్యుందాయ్ క్రెటా వేరియంట్స్ లైనప్ పూర్తిగా మారిపోయింది. కంపెనీ తన పాపులర్ ట్రిమ్స్ అయిన SX Tech , SX(O) వేరియంట్లను లైనప్ నుండి తొలగించింది. వీటితో పాటు పెట్రోల్ , డీజిల్ మాన్యువల్ లోని S వేరియంట్, E డీజిల్ మాన్యువల్ , S(O) నైట్ ఎడిషన్‌లను కూడా డిస్కంటిన్యూ చేసింది. ప్రస్తుతం అప్‌డేట్ అయిన తర్వాత క్రెటా మొత్తం ఏడు వేరియంట్లలో లభిస్తోంది. ఇందులో E, EX, EX(O), S(O), SX, SX ప్రీమియం , టాప్-ఎండ్ మోడల్ అయిన 'కింగ్' (King) వేరియంట్స్ ఉన్నాయి. ప్రైస్ విషయానికి వస్తే, ఇప్పుడు క్రెటా ప్రారంభ ధర రూ. 10.79 లక్షల నుండి స్టార్ట్ అయ్యి, టాప్ వేరియంట్ రూ. 19.90 లక్షల (ఎక్స్-షోరూమ్) వరకు ఉంటుంది.

స్పెషల్ ఎడిషన్స్ , అదాస్ (ADAS) ఫీచర్

కంపెనీ తన 'కింగ్' సిరీస్‌లో కూడా కొన్ని మేజర్ చేంజెస్ చేసింది. కింగ్ లిమిటెడ్ 1.5 పెట్రోల్ CVT, కింగ్ 1.5 టర్బో DCT, , కింగ్ నైట్ డీజిల్ ఆటోమేటిక్ లాంటి కొన్ని స్పెషల్ వేరియంట్లను లైనప్ నుండి తీసివేసింది. అయితే రీసెంట్‌గా మార్కెట్లోకి వచ్చిన క్రెటా సమ్మర్ ఎడిషన్ మాత్రం కస్టమర్లకు యథావిధిగా అందుబాటులో ఉంటుంది. ఇక సేఫ్టీ ఫీచర్ల విషయానికి వస్తే ఒక పెద్ద మార్పు జరిగింది. గతంలో మిడ్-లెవల్ వేరియంట్స్ లో కూడా అందుబాటులో ఉన్న లెవల్-2 ADAS ఫీచర్స్, ఇప్పుడు కేవలం టాప్-స్పెక్ 'కింగ్' వేరియంట్ లో మాత్రమే లభిస్తాయి. SX Tech ట్రిమ్ ను తీసివేయడం వల్ల ADAS కావాలనుకునే వారు ఖచ్చితంగా టాప్ ఎండ్ మోడల్ నే ఎంచుకోవాల్సి ఉంటుంది.

ఇంజిన్ సామర్థ్యం , ట్రాన్స్‌మిషన్ ఆప్షన్లు

పర్ఫార్మెన్స్ పరంగా క్రెటాలో ఎటువంటి మార్పులు లేవు, ఇది ఇప్పటికీ మూడు పవర్‌ఫుల్ ఇంజిన్ ఆప్షన్లతో వస్తోంది. ఇందులో 1.5 లీటర్ నేచురల్లీ ఆస్పిరేటెడ్ పెట్రోల్ ఇంజిన్ 115 PS పవర్‌ను ఇస్తుంది. స్పీడ్ , పికప్ కోరుకునే వారి కోసం 1.5 లీటర్ టర్బో పెట్రోల్ ఇంజిన్ ఉంది, ఇది 160 HP పవర్ , 260 Nm టార్క్‌ను జనరేట్ చేస్తుంది. ఇక డీజిల్ ఆప్షన్ లో 1.5 లీటర్ టర్బో డీజిల్ ఇంజిన్ 116 PS పవర్‌ను అందిస్తుంది. గేర్‌బాక్స్ విషయానికి వస్తే 6-స్పీడ్ మాన్యువల్, iMT, CVT (IVT), 6-స్పీడ్ ఆటోమేటిక్ , 7-స్పీడ్ DCT లాంటి మల్టిపుల్ ఆప్షన్లను హ్యుందాయ్ కస్టమర్లకు అందిస్తోంది.

టాప్-ఎండ్ క్రెటాలో లగ్జరీ ఫీచర్లు , సేఫ్టీ

టాప్-ఎండ్ మోడల్ లో కస్టమర్లు అదిరిపోయే ప్రీమియం ఫీచర్లను ఎంజాయ్ చేయవచ్చు. ఇందులో ట్విన్ 10.25-ఇంచ్ డిస్‌ప్లేలు (ఇన్ఫోటైన్‌మెంట్ , ఇన్‌స్ట్రుమెంట్ క్లస్టర్ కోసం), పనోరమిక్ సన్‌రూఫ్, వెంటిలేటెడ్ సీట్లు, డ్యూయల్ జోన్ క్లైమేట్ కంట్రోల్ , బోస్ (Bose) సౌండ్ సిస్టమ్ లాంటి లగ్జరీ ఫీచర్లు ఉన్నాయి. వీటితో పాటు వైర్ లెస్ ఆపిల్ కార్ ప్లే, ఆండ్రాయిడ్ ఆటో, కనెక్టెడ్ కార్ టెక్నాలజీ , వాయిస్ కమాండ్స్ వంటి స్మార్ట్ ఫీచర్లు కూడా ఉన్నాయి. సేఫ్టీ పరంగా 6 ఎయిర్‌బ్యాగ్స్, 360-డిగ్రీ కెమెరా, ఎలక్ట్రానిక్ స్టెబిలిటీ కంట్రోల్ (ESC) , టైర్ ప్రెజర్ మానిటరింగ్ సిస్టమ్ (TPMS) వంటివి ప్రయాణీకులకు పూర్తి భద్రతను కల్పిస్తాయి.