Kawasaki: ధరలో నో ఛేంజ్.. కవాసాకీ నుంచి మైండ్ బ్లోయింగ్ బైక్ లాంచ్

Kawasaki: ప్రముఖ టూ-వీలర్ తయారీ సంస్థ కవాసాకీ ఇండియా భారతీయ మార్కెట్లోకి తమ సరికొత్త జెడ్650ఆర్‌ఎస్ బైక్‌ను విడుదల చేసింది. కంపెనీ దీని ఎక్స్ షోరూమ్ ధరను రూ.7.83 లక్షలుగా నిశ్చయించింది. విశేషం ఏమిటంటే.. ఈ మోడల్‌లో కంపెనీ ఎలాంటి యాంత్రిక మార్పులు చేయలేదు, చివరకు రంగుల ఆప్షన్లలో కూడా మార్పులు లేవు. దీనిని అధికారిక వెబ్‌సైట్‌లో కేవలం 2027 మోడల్ ఇయర్ ట్యాగ్‌తో మాత్రమే లాంచ్ చేశారు. అంటే ఈ బైక్ మరో ఏడాది పాటు యథావిధిగా మార్కెట్లో విక్రయానికి అందుబాటులో ఉంటుందని ఇది సూచిస్తుంది.

ఈ సరికొత్త కవాసాకీ Z650RS బైక్ తేలికపాటి ట్రెల్లిస్ ఫ్రేమ్‌పై నిర్మించబడింది. ఇందులో శక్తివంతమైన 649cc పారలల్-ట్విన్ ఇంజిన్‌ను అమర్చారు. ఈ ఇంజిన్ సుమారు 67bhp పవర్‌ను, 64Nm టార్గెట్‌ను ఉత్పత్తి చేసే సామర్థ్యాన్ని కలిగి ఉంటుంది. దీనికి జతగా 6-స్పీడ్ గేర్‌బాక్స్ ఇవ్వబడింది. ఈ ఇంజిన్ చాలా స్మూత్‌గా, లీనియర్ పవర్ డెలివరీని అందించడంలో పేరుగాంచింది. దీనివల్ల రోజువారీ ప్రయాణాల్లో ఈ బైక్‌ను సిటీలో లేదా లాంగ్ రైడ్స్‌లో నడపడం చాలా సులభంగా, ఆనందంగా ఉంటుంది.

ఈ బైక్ ప్రధాన హైలైట్ ఏమిటంటే దీని అద్భుతమైన నియో-రైట్రో డిజైన్. ఇందులో రౌండ్ హెడ్‌ల్యాంప్, ట్విన్-పాడ్ కన్సోల్, టియర్‌డ్రాప్-షేప్ ఫ్యూయల్ ట్యాంక్, సింగిల్-పీస్ సీట్ దీనికి క్లాసిక్ లుక్‌ను ఇస్తాయి. ముఖ్యంగా గోల్డెన్ అలాయ్ వీల్స్ ఈ బైక్ అందాన్ని మరింత పెంచుతాయి. 17 అంగుళాల చక్రాలపై నడిచే ఈ బైక్‌లో ముందు భాగంలో 41mm టెలిస్కోపిక్ ఫోర్క్స్, వెనుక వైపు ప్రీలోడ్-అడ్జస్టబుల్ మోనోషాక్ సస్పెన్షన్ అందించారు. బ్రేకింగ్ విషయానికి వస్తే, డైమండ్-టైప్ ఛాసిస్‌తో కూడిన ఈ బైక్‌లో ముందు జంట డిస్క్ బ్రేకులు, వెనుక సింగిల్ డిస్క్ బ్రేక్ ఉన్నాయి.

ఈ బైక్‌లో 12 లీటర్ల కెపాసిటీ గల ఫ్యూయల్ ట్యాంక్ ఇవ్వబడింది. ఫ్లాట్ స్పోక్ డిజైన్ గల కాస్ట్ వీల్స్, రెట్రో స్టైల్ బాడీ దీనికి ప్రత్యేక గుర్తింపు తెస్తాయి. రౌండ్ ఎల్ఈడీ హెడ్‌ల్యాంప్‌లో డ్యూయల్-చాంబర్ డిజైన్ ఉండటం వల్ల పాత బల్బ్ లాంటి ఫీల్ వస్తుంది. అలాగే వెనుక వైపు కాంపాక్ట్ ఎల్ఈడీ టెయిల్‌ల్యాంప్ అమర్చారు. 820 mm సీట్ హైట్ ఉండటం వల్ల రైడర్ చాలా కంఫర్టబుల్‌గా కూర్చొని ప్రయాణించవచ్చు. అంతేకాకుండా ఇందులో ట్రాక్షన్ కంట్రోల్, డ్యూయల్-చానల్ ఏబీఎస్, సెమీ-డిజిటల్ ఇన్‌స్ట్రుమెంట్ క్లస్టర్ వంటి అడ్వాన్సుడ్ సేఫ్టీ ఫీచర్లు కూడా లభిస్తాయి.