Kia Cars: కార్నివాల్ నుంచి సోనెట్ వరకు.. కియా కార్లపై రూ.1.70 లక్షల వరకు డిస్కౌంట్

Kia Cars: కియా ఇండియా నవంబర్ 2026 కోసం తన కార్లపై ప్రత్యేక డిస్కౌంట్లు, ఇతర ప్రయోజనాలను ప్రకటించింది. ఈ నెలలో గరిష్ఠంగా రూ.1.70 లక్షల వరకు బెనిఫిట్స్ పొందే అవకాశం ఉంది. కియా కార్నివాల్‌పై అత్యధికంగా రూ.1.70 లక్షల వరకు ప్రయోజనాలు లభిస్తుండగా, సోరెంటోపై రూ.1 లక్ష వరకు ఆఫర్లు ఉన్నాయి. కారెన్స్ క్లావిస్ పెట్రోల్ మోడళ్లపై రూ.95 వేల వరకు తగ్గింపు ప్రయోజనాలు అందుబాటులో ఉన్నాయి. ఈ ఆఫర్లలో క్యాష్ డిస్కౌంట్, పాత కారు ఎక్స్ఛేంజ్ బోనస్, లాయల్టీ బెనిఫిట్, స్క్రాపేజ్ ఇన్సెంటివ్, కార్పొరేట్ డిస్కౌంట్లు ఉన్నాయి.

కార్నివాల్, సోరెంటోపై భారీ బెనిఫిట్స్

కియా కార్లలో అత్యధిక ఆఫర్లు కార్నివాల్‌పై ఉన్నాయి. ఈ ప్రీమియం ఎమ్‌పీవీ కొనుగోలు చేసే వారికి రూ.లక్ష వరకు ఎక్స్ఛేంజ్ బోనస్, రూ.20 వేల స్క్రాపేజ్ ఇన్సెంటివ్, రూ.50 వేల వరకు కార్పొరేట్ బెనిఫిట్ అందిస్తున్నారు. వీటన్నింటినీ కలిపితే గరిష్ఠంగా రూ.1.70 లక్షల వరకు ఆదా చేసుకోవచ్చు. మరోవైపు కియా సోరెంటోపై రూ.50 వేల లాయల్టీ బెనిఫిట్, రూ.20 వేల స్క్రాపేజ్ ఇన్సెంటివ్, రూ.30 వేల వరకు కార్పొరేట్ డిస్కౌంట్ ఉన్నాయి. ఈ ప్రయోజనాలతో మొత్తం రూ.లక్ష వరకు బెనిఫిట్స్ పొందవచ్చు.

కారెన్స్ క్లావిస్ పెట్రోల్, డీజిల్ మోడళ్లపై ఆఫర్లు

కియా కారెన్స్ క్లావిస్ కొనాలనుకునేవారికి కూడా ఈ నెల మంచి ప్రయోజనాలు ఉన్నాయి. ఎంపిక చేసిన Gamma 1.5, Kappa 1.5 Turbo పెట్రోల్ వేరియంట్లపై రూ.95 వేల వరకు బెనిఫిట్స్ లభిస్తున్నాయి. ఇందులో రూ.10 వేల క్యాష్ డిస్కౌంట్, రూ.30 వేల ఎక్స్ఛేంజ్ బోనస్, రూ.20 వేల లాయల్టీ బెనిఫిట్, రూ.20 వేల స్క్రాపేజ్ ఇన్సెంటివ్, రూ.15 వేల వరకు కార్పొరేట్ ఆఫర్ ఉన్నాయి. ఇక డీజిల్ వేరియంట్లపై రూ.85 వేల వరకు ప్రయోజనాలు అందిస్తున్నారు. ఎలక్ట్రిక్ మోడల్ కారెన్స్ క్లావిస్ ఈవీపై కూడా రూ.75 వేల వరకు బెనిఫిట్స్ ఉన్నాయి. ఇందులో రూ.20 వేల ఎక్స్ఛేంజ్ బోనస్, రూ.20 వేల లాయల్టీ బెనిఫిట్, రూ.20 వేల స్క్రాపేజ్ ఇన్సెంటివ్, రూ.15 వేల వరకు కార్పొరేట్ డిస్కౌంట్ లభిస్తాయి.

సోనెట్, సైరోస్ కొనేవారికి ఎంత ఆదా అవుతుంది?

కియా సోనెట్, సైరోస్ మోడళ్లపై కూడా నవంబర్ నెలలో ప్రత్యేక ఆఫర్లు అందుబాటులో ఉన్నాయి. సోనెట్ అన్ని వేరియంట్లపై రూ.20 వేల ఎక్స్ఛేంజ్ బోనస్, రూ.15 వేల స్క్రాపేజ్ ఇన్సెంటివ్, రూ.15 వేల వరకు కార్పొరేట్ డిస్కౌంట్ ఇస్తున్నారు. దీంతో గరిష్ఠంగా రూ.50 వేల వరకు ప్రయోజనం పొందవచ్చు. ఇక సైరోస్ పెట్రోల్ మోడల్‌పై రూ.20 వేల ఎక్స్ఛేంజ్ బోనస్, రూ.20 వేల స్క్రాపేజ్ బెనిఫిట్, రూ.15 వేల వరకు కార్పొరేట్ ఆఫర్ ఉన్నాయి. వీటితో పాటు ఉచిత ఎక్స్‌టెండెడ్ వారంటీ కూడా అందిస్తున్నారు. మొత్తం రూ.55 వేల వరకు ప్రయోజనాలు పొందవచ్చు. సైరోస్ ఈవీ కొనుగోలుపై రూ.20 వేల స్క్రాపేజ్ ఇన్సెంటివ్‌తో పాటు ఉచిత ఎక్స్‌టెండెడ్ వారంటీ కూడా అందుబాటులో ఉంది.

సెల్టోస్, కారెన్స్ మోడళ్లపై కూడా తగ్గింపులు

కియా సెల్టోస్ కొత్త SP3i మోడల్ అన్ని వేరియంట్లపై రూ.20 వేల లాయల్టీ బెనిఫిట్, రూ.20 వేల స్క్రాపేజ్ ఇన్సెంటివ్ అందిస్తున్నారు. దీంతో మొత్తం రూ.40 వేల వరకు ప్రయోజనం లభిస్తుంది. ఇక సాధారణ కారెన్స్ పెట్రోల్, డీజిల్ మోడళ్లపై రూ.10 వేల ఎక్స్ఛేంజ్ బోనస్, రూ.20 వేల స్క్రాపేజ్ ఇన్సెంటివ్, రూ.15 వేల వరకు కార్పొరేట్ బెనిఫిట్ ఉన్నాయి. ఈ లెక్కన రూ.45 వేల వరకు ఆదా చేసుకోవచ్చు. కారెన్స్ సీఎన్‌జీ వేరియంట్‌పై రూ.20 వేల స్క్రాపేజ్ ప్రయోజనం అందిస్తున్నారు. అలాగే కారెన్స్ క్లావిస్ Gamma 1.5 సీఎన్‌జీ వేరియంట్ కొనేవారికి కూడా రూ.20 వేల స్క్రాపేజ్ బెనిఫిట్ లభిస్తుంది.