Mahindra Discounts: మహీంద్రా పాపులర్ ఎస్‌యూవీపై ఊహించని ఆఫర్.. ఇప్పుడే కొనేయండి

Mahindra Discounts: భారత మార్కెట్లో మహీంద్రా కంపెనీ తయారు చేసే వాహనాలకు ఎప్పుడూ ప్రత్యేకమైన డిమాండ్ ఉంటుంది. సెప్టెంబర్ నెల పండుగ సీజన్ సందర్భంగా తమ బెస్ట్ సెల్లింగ్ మోడల్ స్కార్పియో క్లాసిక్‌పై రూ.50,000 వరకు ప్రయోజనాలను ఆఫర్ చేస్తోంది. ఇందులో రూ.30,000 వరకు నేరుగా నగదు తగ్గింపు లభిస్తుండగా, మిగిలిన మొత్తం కార్పొరేట్ డిస్కౌంట్, ఎక్స్చేంజ్ ఆఫర్ల రూపంలో లభిస్తోంది. ఈ పరిమిత కాల ఆఫర్ సెప్టెంబర్ 30, 2026 వరకు మాత్రమే అందుబాటులో ఉంటుంది.

ఆకట్టుకునే బాక్సీ డిజైన్

మహీంద్రా స్కార్పియో క్లాసిక్ అనగానే అందరికీ గుర్తొచ్చేది దాని ఎత్తైన రైడింగ్ పొజిషన్, దానికి ఉండే మస్క్యులర్ రోడ్ ప్రెజెన్స్. బాక్సీ డిజైన్‌తో కూడిన ఈ ఎస్‌యూవీలో ముందు భాగంలో పెద్ద గ్రిల్, మస్క్యులర్ బోనెట్, ప్రొజెక్టర్ హెడ్‌లాంప్‌లు, ఎల్‌ఈడీ డీఆర్‌ఎల్‌లు అమర్చారు. వెనుక భాగంలో ఆకర్షణీయమైన రూఫ్ స్పాయిలర్, ఎల్‌ఈడీ టెయిల్ లాంప్స్‌తో పాటు 17 అంగుళాల డైమండ్-కట్ అలాయ్ వీల్స్ వాహనానికి మరింత ప్రీమియం లుక్‌ను అందిస్తున్నాయి. ఎత్తైన గ్రౌండ్ క్లియరెన్స్ ఉండటం వల్ల ఎలాంటి రోడ్లపై అయినా నడపడం చాలా సులభం.

పవర్ ఫుల్ డీజిల్ ఇంజిన్.. పక్కా పర్ఫార్మెన్స్

కార్లలో పవర్, పర్ఫార్మెన్స్ కోరుకునే వారికి స్కార్పియో క్లాసిక్ ఒక అద్భుతమైన ఎంపిక. ఇందులో 2.2 లీటర్ల ఎమ్‌హాక్ డీజిల్ ఇంజిన్‌ను ఉపయోగించారు. ఈ ఇంజిన్ 130 బీహెచ్‌పీ పవర్, 300 ఎన్ఎమ్ టార్క్‌ను ఉత్పత్తి చేస్తుంది. దీనికి 6-స్పీడ్ మాన్యువల్ గేర్‌బాక్స్ జత చేశారు. వెనుక చక్రాలకు పవర్ వెళ్లే విధంగా దీనిని డిజైన్ చేశారు. లీటరుకు 14.44 కిలోమీటర్ల మైలేజ్ ఇస్తుందని ఏఆర్ఏఐ ద్వారా ధృవీకరించారు. దూర ప్రయాణాలలో ఇబ్బంది లేకుండా 60 లీటర్ల ఇంధన ట్యాంక్ కెపాసిటీని కూడా అందించారు.

క్యాబిన్ ఫీచర్లు.. మెరుగైన భద్రత

లోపలి భాగాన్ని పరిశీలిస్తే విస్తారమైన సీటింగ్ స్పేస్‌తో పాటు 9 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ లభిస్తుంది. ఆటోమేటిక్ క్లైమేట్ కంట్రోల్, వెనుక వరుస సీట్లకు రేర్ ఏసీ వెంట్స్, సీటు ఎత్తును సర్దుబాటు చేసుకునే సదుపాయం, పవర్ అడ్జస్టబుల్ ఓఆర్‌విఎమ్ ఉన్నాయి. సేఫ్టీ విషయంలో ఎలాంటి రాజీ పడకుండా డ్యూయల్ ఎయిర్‌బ్యాగ్‌లు, ఏబీఎస్, ఈబీడీ, ఎలక్ట్రానిక్ స్టెబిలిటీ కంట్రోల్, రేర్ పార్కింగ్ సెన్సార్లను ప్రామాణికంగా అందించారు. టాప్ వేరియంట్‌లో వెనుక వైపు కెమెరా కూడా లభిస్తుంది. ప్రస్తుతం ఈ వాహనం ఎక్స్-షోరూమ్ ధర రూ.13.37 లక్షల నుంచి రూ.17.40 లక్షల వరకు ఉంది.