Maruti Suzuki: మారుతి ఆఫ్‌రోడింగ్ కింగ్ పై బంపర్ ఆఫర్.. ఆగస్టు నెలలో కొంటే భారీగా ఆదా

Maruti Suzuki: దేశంలోనే అతిపెద్ద వాహన తయారీ సంస్థ మారుతి సుజుకి ఆగస్టు 2026 నెలలో తమ వివిధ మోడళ్లపై ఆకర్షణీయమైన ఆఫర్లను అందిస్తోంది. ఇందులో భాగంగా కంపెనీ తన పాపులర్ ఆఫ్‌రోడింగ్ ఎస్‌యూవీ మారుతి జిమ్నీ పై బంపర్ డిస్కౌంట్‌ను ప్రకటించింది. ఈ ఆఫర్ కింద కొనుగోలుదారులు గరిష్టంగా రూ. 35,000 వరకు ఆదా చేసుకోవచ్చు. ఇందులో క్యాష్ డిస్కౌంట్‌తో పాటు ఇతర కార్పొరేట్, ఎక్స్ఛేంజ్ బెనిఫిట్స్ కూడా ఉన్నాయి. ఈ ఆఫర్లు ఆగస్టు నెల చివరి వరకు మాత్రమే అందుబాటులో ఉంటాయి.

క్లాసిక్ డిజైన్, ఆఫ్‌రోడ్ సామర్థ్యం

మారుతి సుజుకి జిమ్నీ డిజైన్ పాతకాలపు క్లాసిక్ లుక్, రఫ్ ఆఫ్‌రోడింగ్ స్టైల్‌తో రూపుదిద్దుకుంది. బాక్సీ షేప్, రౌండ్ ఎల్ఈడీ హెడ్‌ల్యాంప్‌లు, గన్‌మెటల్ గ్రే గ్రిల్, మస్కులర్ బంపర్లు ఈ కారుకు రోడ్డు మీద స్పెషల్ ఐడెంటిటీని ఇస్తాయి. కఠినమైన రహదారులను సైతం సునాయాసంగా దాటడానికి వీలుగా ఇందులో 210 మిమీ గ్రౌండ్ క్లియరెన్స్, బలమైన లాడర్-ఫ్రేమ్ ఛాసిస్‌ను అందించారు.

అడ్వాన్స్‌డ్ ఫీచర్లు, టాప్-నాచ్ సేఫ్టీ

ఈ ఎస్‌యూవీ కేబిన్ లోపల వైర్‌లెస్ ఆండ్రాయిడ్ ఆటో, ఆపిల్ కార్‌ప్లే సపోర్ట్ చేసే 9-అంగుళాల స్మార్ట్‌ప్లే ప్రో+ టచ్‌స్క్రీన్ ఇన్ఫోటైన్‌మెంట్ సిస్టమ్‌ను ఏర్పాటు చేశారు. ఆటోమేటిక్ క్లైమేట్ కంట్రోల్, క్రూయిజ్ కంట్రోల్, పుష్-బటన్ స్టార్ట్-స్టాప్ వంటి సౌకర్యాలు ఉన్నాయి. సేఫ్టీకి పెద్దపీట వేస్తూ అన్ని వేరియంట్లలోనూ 6-ఎయిర్‌బ్యాగ్‌లు, ఎలక్ట్రానిక్ స్టెబిలిటీ ప్రోగ్రామ్ (ESP), హిల్ హోల్డ్ అసిస్ట్, హిల్ డిసెంట్ కంట్రోల్, ఏబీఎస్ విత్ ఈబీడీ, బ్రేక్ ఎల్‌ఎస్‌డీ ఫీచర్లను స్టాండర్డ్‌గా ఇచ్చారు.

పవర్‌ఫుల్ ఇంజిన్, మైలేజ్, ధర

మారుతి జిమ్నీలో 1.5-లీటర్ K15B 4-సిలిండర్ పెట్రోల్ ఇంజిన్ ఇచ్చారు. ఇది 104.8 బిహెచ్‌పి పవర్, 134.2 ఎన్ఎమ్ టార్క్‌ను ఉత్పత్తి చేస్తుంది. ఇది 5-స్పీడ్ మాన్యువల్, 4-స్పీడ్ ఆటోమేటిక్ గేర్‌బాక్స్ ఆప్షన్లలో లభిస్తుంది. ముఖ్యంగా ఇందులో ఉన్న ALLGRIP PRO 4WD సిస్టమ్ దీనిని బెస్ట్ ఆఫ్‌రోడర్‌గా నిలబెడుతుంది. మైలేజ్ విషయానికి వస్తే మాన్యువల్ వేరియంట్ లీటరుకు 16.94 కిమీ, ఆటోమేటిక్ వేరియంట్ 16.39 కిమీ మైలేజ్ ఇస్తాయి. మార్కెట్‌లో మారుతి జిమ్నీ ప్రారంభ ఎక్స్-షోరూమ్ ధర రూ. 12.31 లక్షల నుంచి టాప్ మోడల్ ధర రూ. 14.45 లక్షల వరకు ఉంది.