Renault : రెండు కార్లతో మార్కెట్ ను షేక్ చేసిన రెనాల్ట్... సేల్స్ గ్రాఫ్ ఒక్కసారిగా పైకి

Renault : ఫ్రెంచ్ ఆటోమొబైల్ దిగ్గజం రెనాల్ట్ భారతదేశంలో తన అమ్మకాల జోరును మళ్లీ అందుకుంది. సెప్టెంబర్ నెలలో రెనాల్ట్ ఇండియా కార్ల విక్రయాలు అద్భుతమైన వృద్ధిని కనబరిచాయి. అంతకుముందు ఆగస్టు నెలతో పోలిస్తే సెప్టెంబర్‌లో కంపెనీ విక్రయాలు దాదాపు 20 శాతం మేర పెరిగాయి. ఈ అమ్మకాల ఊపునకు ప్రధాన కారణం మార్కెట్లో సరికొత్తగా హల్ చల్ చేస్తున్న కొత్త డస్టర్, ఫ్యామిలీ ఫేవరెట్ ట్రైబర్ కార్లపై కస్టమర్లు చూపుతున్న విశేష ఆదరాభిమానాలే అని చెప్పవచ్చు.

తొమ్మిది నెలల్లో గణనీయమైన ప్రగతి

కేవలం నెలవారీ విక్రయాల పరంగానే కాకుండా, ఈ ఏడాది మొత్తంగా రెనాల్ట్ ప్రదర్శన ఎంతో సంతృప్తికరంగా సాగుతోంది. జనవరి నుంచి సెప్టెంబర్ మధ్య కాలంలో కంపెనీ మొత్తం మీద వేల సంఖ్యలో కార్లను విక్రయించి మంచి మార్కెట్ వాటాను సంపాదించుకుంది. గతేడాది ఇదే కాలంతో పోలిస్తే ఈ ఏడాది యానివాల్ సేల్స్ గణనీయంగా వృద్ధి చెందాయి. ముఖ్యంగా పవర్ ఫుల్ ఎస్‌యూవీ విభాగంలోకి కొత్త డస్టర్‌ను తీసుకొచ్చి తన స్థానాన్ని మరింత పదిలం చేసుకుంది. దీనికి తోడు ట్రైబర్, కైగర్, క్విడ్ కార్లు కూడా క్రమం తప్పకుండా విక్రయాలను నమోదు చేస్తూ కంపెనీకి బలమైన అండగా నిలుస్తున్నాయి.

డస్టర్ తెచ్చిన మార్పు

కొత్త తరం డస్టర్ లాంచ్ అయిన తొలి నాళ్లలో రికార్డు స్థాయిలో అమ్మకాలను నమోదు చేసింది. ఆ తర్వాత క్రమంగా అమ్మకాలు సర్దుమణిగినప్పటికీ, ఈ ఎస్‌యూవీ వల్ల రెనాల్ట్ బ్రాండ్ ఇమేజ్ ఒక్కసారిగా మారిపోయింది. మరోవైపు ట్రైబర్ మోడల్ మాత్రం మొదటి నుంచి ఇప్పటివరకు ఏమాత్రం జోరు తగ్గకుండా స్థిరమైన అమ్మకాలను ఇస్తూనే ఉంది. మిగతా మోడల్స్‌తో పోలిస్తే ఎక్కువ మంది కుటుంబ యజమానులు ట్రైబర్‌ను కొనుగోలు చేసేందుకు ఎక్కువగా ఆసక్తి చూపుతున్నారు.

మరిన్ని అధునాతన హంగులతో కొత్త ట్రైబర్ విడుదల

కస్టమర్ల అవసరాలకు తగినట్లుగా రెనాల్ట్ సంస్థ ఇటీవల ట్రైబర్లో సరికొత్త 100PS శక్తినిచ్చే పవర్ ఫుల్ వేరియంట్‌ను మార్కెట్లోకి విడుదల చేసింది. ఇందులో 1.0-లీటర్ టర్బో-పెట్రోల్ ఇంజిన్‌ను అమర్చడం వల్ల డ్రైవింగ్ అనుభూతి మరింత మెరుగ్గా ఉంటుంది. మెరుగైన సేఫ్టీ కోసం హై-స్టెంగ్త్ స్టీల్ వాడకం, సస్పెన్షన్లలో మార్పులు చేయడం వంటి అధునాతన అప్‌డేట్స్‌ను కూడా అందించారు. రెగ్యులర్ మోడల్స్‌తో పాటు ఈ కొత్త టర్బో వేరియంట్ అందుబాటులో ఉండటం వల్ల కస్టమర్లకు మరింత మెరుగైన ఆప్షన్లు లభిస్తున్నాయి. రాబోయే పండుగ సీజన్లలో ఈ కార్ల అమ్మకాలు మరింత పుంజుకునే అవకాశం ఉందని నిపుణులు అంచనా వేస్తున్నారు.