డ్రైవర్ నిద్రపోయినా కారు మేల్కొంటుంది.. హైటెక్ సేఫ్టీ ఫీచర్లతో వచ్చేసిన స్కోడా కోడియాక్

2026 Skoda Kodiaq: లగ్జరీ SUV ప్రపంచంలో తనకంటూ ఒక ప్రత్యేక ముద్ర వేసుకున్న స్కోడా ఆటో (Skoda Auto), తాజాగా భారత మార్కెట్లోకి 2026 కోడియాక్ (Kodiaq) మోడల్‌ను సరికొత్త హంగులతో విడుదల చేసింది. కేవలం స్టైల్ మాత్రమే కాదు, టెక్నాలజీ, సేఫ్టీలో ఈ కారు ఇప్పుడు ఒక అడుగు ముందే ఉంది. ప్రమాదాలను ముందుగానే పసిగట్టి డ్రైవర్‌ను అలర్ట్ చేసే అత్యాధునిక ఫీచర్లతో ఈ లగ్జరీ కారు సెన్సేషన్ సృష్టిస్తోంది.

మూడు విభిన్న వేరియంట్లలో లభ్యం..

వినియోగదారుల అభిరుచులకు అనుగుణంగా స్కోడా ఈసారి మూడు ప్రత్యేక వేరియంట్లను ప్రవేశపెట్టింది. వాటి ధరలు (ఎక్స్-షోరూమ్) ఇలా ఉన్నాయి:

లాంజ్ (Lounge): రూ. 36.99 లక్షలు

స్పోర్ట్‌లైన్ (Sportline): రూ. 44.99 లక్షలు

సెలక్షన్ L&K (Selection L&K): రూ. 46.99 లక్షలు

ADAS టెక్నాలజీతో 'స్మార్ట్' భద్రత..

2026 కోడియాక్‌లో ప్రధాన ఆకర్షణ అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS). డ్రైవర్ అజాగ్రత్తగా ఉన్నా లేదా వేగంగా వెళ్తున్నప్పుడు అడ్డంకులు ఎదురైనా ఈ సిస్టమ్ అప్రమత్తం చేస్తుంది.

కీలక ఫీచర్లు: అడాప్టివ్ క్రూయిజ్ కంట్రోల్, ఆటోమేటిక్ బ్రేకింగ్ సిస్టమ్, లేన్ కీప్ అసిస్ట్, బ్లైండ్ స్పాట్ డిటెక్షన్, రియర్ ట్రాఫిక్ అలర్ట్.

ఈ ఫీచర్లు స్పోర్ట్‌లైన్, టాప్ ఎండ్ L&K వేరియంట్లలో అందుబాటులో ఉన్నాయి.

కొత్త లుక్.. అదిరిపోయే ఫీచర్లు..

స్కోడా కోడియాక్ ఇప్పుడు మరింత ఫ్యూచరిస్టిక్ లుక్‌తో కనిపిస్తోంది.

360-డిగ్రీ కెమెరా: భారీ కారును ఇరుకైన సందుల్లో లేదా పార్కింగ్ సమయంలో సులభంగా నడపడానికి ఇది ఉపయోగపడుతుంది.

LED గ్రిల్ లైట్: గ్రిల్‌లో అమర్చిన LED స్ట్రిప్ కారుకు ప్రీమియం లుక్‌ను ఇస్తుంది.

డిజిటల్ క్యాబిన్: పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, మెరుగైన సాఫ్ట్‌వేర్, ఫుల్లీ డిజిటల్ ఇన్‌స్ట్రుమెంట్ క్లస్టర్‌తో కారు లోపల లగ్జరీ అనుభూతి కలుగుతుంది.

శక్తివంతమైన ఇంజిన్ పర్ఫార్మెన్స్..

మెకానికల్ పరంగా చూస్తే, ఇందులో నమ్మకమైన 2.0-లీటర్ టర్బో పెట్రోల్ ఇంజిన్‌ను కొనసాగించారు. ఇది గరిష్టంగా 204 bhp పవర్, 320 Nm టార్క్ను ఉత్పత్తి చేస్తుంది. లాంగ్ జర్నీలకైనా, సిటీ డ్రైవింగ్‌కైనా ఈ ఇంజిన్ చాలా స్మూత్ అనుభూతిని ఇస్తుంది.