ఫుల్ ఛార్జ్‌తో 502 కిమీల రేంజ్.. బ్యాటరీపై లైఫ్‌టైమ్ వారంటీ.. టాటా ఫీచర్లు అదుర్స్ అంతే!

TATA Curvv EV Series X: భారత ఎలక్ట్రిక్ వాహన రంగంలో అగ్రగామిగా ఉన్న టాటా మోటార్స్, తన మోస్ట్ స్టైలిష్ ఎలక్ట్రిక్ ఎస్‌యూవీ కూపే 'కర్వ్.ఈవీ' (Curvv.ev) లో సరికొత్త సిరీస్ ఎక్స్ (SeriesX) మోడళ్లను ప్రవేశపెట్టింది. అద్భుతమైన రేంజ్, ఫ్యూచరిస్టిక్ ఫీచర్లు, బ్యాటరీపై ఏకంగా లైఫ్‌టైమ్ వారంటీని ఆఫర్ చేస్తూ టాటా ఈసారి కస్టమర్లను ఆశ్చర్యపరిచింది.

రేంజ్ అదుర్స్: ఒకే ఛార్జ్‌తో 502 కిలోమీటర్లు..!

టాటా కర్వ్.ఈవీ సిరీస్ ఎక్స్ మోడళ్లు అధునాతన acti.ev ఆర్కిటెక్చర్‌పై నిర్మించబడ్డాయి. దీనిలో శక్తివంతమైన 55 kWh బ్యాటరీ ప్యాక్‌ను అమర్చారు.

ARAI రేంజ్: ఒకసారి ఫుల్ ఛార్జ్ చేస్తే 502 కిలోమీటర్ల దూరం ప్రయాణించవచ్చని ARAI ధృవీకరించింది.

రియల్ వరల్డ్ రేంజ్: సాధారణ రోడ్లపై దాదాపు 400 కిలోమీటర్ల వరకు రేంజ్ ఇస్తుందని కంపెనీ చెబుతోంది.

ఈ ఎలక్ట్రిక్ ఎస్‌యూవీ కూపే 167 హార్స్‌పవర్, 215 ఎన్ఎమ్ టార్క్‌ను ఉత్పత్తి చేస్తుంది, ఇది వాహనానికి మెరుపు వేగాన్ని అందిస్తుంది.

ధర, వేరియంట్లు..

టాటా కర్వ్.ఈవీ సిరీస్ ఎక్స్ మూడు ప్రధాన వేరియంట్లలో లభిస్తుంది:

Accomplished X 55: దీని ధర రూ. 16.99 లక్షలు.

Empowered X 55: దీని ధర రూ. 19.19 లక్షలు.

Empowered X 55 #DARK ఎడిషన్: దీని ధర రూ. 19.49 లక్షలు.

(అన్ని ధరలు ఎక్స్-షోరూమ్, ఇండియా)

ఈ కారు ఇప్పుడు కొత్త నైట్రో క్రిమ్సన్ కలర్‌తో పాటు ఎంతో క్రేజ్ ఉన్న #DARK ఎడిషన్‌లో కూడా లభ్యమవుతోంది.

ఫీచర్లు..

Accomplished X 55 వేరియంట్: దీనిలో పనోరమిక్ సన్‌రూఫ్, డ్యూయల్ 26.03 సెంటీమీటర్ల డిజిటల్ క్లస్టర్, టచ్‌స్క్రీన్ ఇన్‌ఫోటైన్‌మెంట్, 360-డిగ్రీ కెమెరా, బ్లైండ్ స్పాట్ మానిటర్, ఇండియాలోనే మొదటిసారిగా పాసివ్ వెంటిలేషన్‌తో కూడిన R-Comfort సీట్లు ఉన్నాయి.

Empowered X 55 వేరియంట్: దీనిలో మరిన్ని లగ్జరీ ఫీచర్లు ఉన్నాయి. 31.24 సెంటీమీటర్ల సినిమాటిక్ టచ్‌స్క్రీన్, 9 స్పీకర్ల JBL సౌండ్ సిస్టమ్, వెంటిలేటెడ్ ఫ్రంట్ సీట్లు, గెశ్చర్ కంట్రోల్ టెయిల్‌గేట్, వాహనం నుంచి మరొక వాహనాన్ని (V2V) లేదా ఇతర పరికరాలను (V2L) ఛార్జ్ చేసే టెక్నాలజీ ఉంది. భద్రత కోసం ఇందులో లెవల్ 2 ADAS కింద 20 రకాల సేఫ్టీ ఫీచర్లు అందించారు.

బ్యాటరీపై లైఫ్‌టైమ్ వారంటీ..!

ఎలక్ట్రిక్ కార్లు కొనేవారికి ఉండే అతిపెద్ద ఆందోళన బ్యాటరీ లైఫ్. దీనిని దృష్టిలో ఉంచుకుని టాటా మోటార్స్ తన హై-వోల్టేజ్ బ్యాటరీపై లైఫ్‌టైమ్ వారంటీని ప్రకటించింది. ఇది కస్టమర్లలో ఈవీల పట్ల నమ్మకాన్ని మరింత పెంచే అవకాశం ఉంది.

రెంజ్ యాంగ్జైటీకి చెక్..

టాటా ప్యాసింజర్ ఎలక్ట్రిక్ మొబిలిటీ చీఫ్ కమర్షియల్ ఆఫీసర్ వివేక్ శ్రీవత్స మాట్లాడుతూ.. "కర్వ్.ఈవీ సిరీస్ ఎక్స్ కేవలం కారు మాత్రమే కాదు, మిడ్ ఎస్‌యూవీ సెగ్మెంట్‌లో ఒక విప్లవం. 502 కిమీ రేంజ్ వల్ల ఇంటర్‌సిటీ ప్రయాణాల్లో రేంజ్ గురించి భయం ఉండదు. లైఫ్‌టైమ్ బ్యాటరీ వారంటీతో కస్టమర్లకు తిరుగులేని భరోసా ఇస్తున్నాం" అని పేర్కొన్నారు.