Festive Discount: రూ.7.40 లక్షల 5-స్టార్ సేఫ్టీ SUVపై ఏకంగా రూ.75,000 ఆదా.. ఇది గోల్డెన్ ఛాన్స్

Festive Discount: పండుగ సీజన్‌లో కొత్త కారు కొనాలని ప్లాన్ చేస్తున్న వారికి టాటా మోటార్స్ అదిరిపోయే తీపి కబురు అందించింది. అక్టోబర్ 2026 ఆఫర్లలో భాగంగా తన మోస్ట్ పాపులర్ ఎస్‌యూవీ టాటా నెక్సాన్ పై బంపర్ డిస్కౌంట్లను ప్రకటించింది. ఈ సేల్స్ ధమాకాలో భాగంగా నెక్సాన్ కొనుగోలుపై గరిష్టంగా రూ.75,000 వరకు ఆదా చేసుకోవచ్చు. ఇందులో క్యాష్ డిస్కౌంట్‌తో పాటు ఎక్స్ఛేంజ్ బోనస్, కార్పొరేట్ బెనిఫిట్స్ కూడా కలిసి ఉన్నాయి.

అదిరిపోయే రోడ్ ప్రెజెన్స్

టాటా నెక్సాన్ ఎక్స్‌టీరియర్ డిజైన్ చాలా మస్క్యులర్‌గా, స్పోర్టీగా కనిపిస్తుంది. ముందు భాగంలో ఇచ్చిన షార్ప్ ఎల్‌ఈడీ డీఆర్‌ఎల్‌లు, ఆకర్షణీయమైన గ్రిల్ రోడ్డుపై మంచి లుక్‌ని ఇస్తాయి. సైడ్ ప్రొఫైల్‌లో అలాయ్ వీల్స్, రూఫ్ రెయిల్స్ కాంబినేషన్ దీనికి కంప్లీట్ ఎస్‌యూవీ లుక్‌ని తెచ్చిపెడతాయి. వెనుక భాగంలో ఉన్న కనెక్టెడ్ ఎల్‌ఈడీ టెయిల్ లైట్స్ ఈ కారుకు మరింత ట్రెండీ డిజైన్‌ను జోడిస్తాయి.

కేబిన్‌లో హైటెక్ ఫీచర్లు.. లగ్జరీ ఫీల్

లోపలి కేబిన్ ఎంతో ప్రీమియమ్‌గా అనిపిస్తుంది. ఇందులో 10.25 అంగుళాల పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ ఇన్‌స్ట్రుమెంట్ క్లస్టర్ అమర్చారు. ఇవే కాకుండా వెంటిలేటెడ్ ఫ్రంట్ సీట్లు, ఎలక్ట్రిక్ సన్‌రూఫ్, వైర్‌లెస్ ఛార్జింగ్, 360-డిగ్రీ కెమెరా వంటి ఆధునిక ఫీచర్లు ప్రయాణాన్ని ఎంతో కంఫర్టబుల్‌గా మారుస్తాయి. ప్రయాణాల్లో సామాన్లు పెట్టుకోవడానికి 382 లీటర్ల పెద్ద బూట్ స్పేస్ కూడా లభిస్తుంది.

5-స్టార్ సేఫ్టీ రేటింగ్.. 24 కేఎం మైలేజ్

సేఫ్టీ విషయంలో టాటా నెక్సాన్‌కు గ్లోబల్ ఎన్‌సిఎపి క్రాష్ టెస్ట్‌లో 5-స్టార్ రేటింగ్ లభించింది. వినియోగదారుల రక్షణ కోసం 6 ఎయిర్‌బ్యాగ్‌లు ప్రామాణికంగా లభిస్తాయి. ఇందులో 1.2-లీటర్ టర్బో-పెట్రోల్, 1.5-లీటర్ డీజిల్ ఇంజిన్‌లతో పాటు సిఎన్‌జీ ఆప్షన్ కూడా ఉంది. ఇది పెట్రోల్ వేరియంట్‌లో లీటరుకు దాదాపు 17 కిలోమీటర్లు, డీజిల్‌లో 23-24 కిలోమీటర్లు, సిఎన్‌జీ వర్షన్‌లో కేజీకి 17.4 కిలోమీటర్ల మైలేజ్ ఇస్తుంది.

ప్రారంభ ధరలు, పోటీపడే మోడళ్లు

టాటా నెక్సాన్ ప్రారంభ ఎక్స్-షోరూమ్ ధర రూ.7.40 లక్షల నుంచి మొదలై టాప్ మోడల్ రూ.14.52 లక్షల వరకు ఉంటుంది. బలమైన బిల్డ్ క్వాలిటీ, అధునాతన ఫీచర్లు, అద్భుతమైన పెర్ఫార్మెన్స్ కారణంగా కాంపాక్ట్ ఎస్‌యూవీ విభాగంలో భారతీయ కస్టమర్ల మొదటి ఎంపికగా నిలుస్తోంది. మార్కెట్‌లో టాటా నెక్సాన్.. మారుతి బ్రెజా, కియా సోనెట్ వంటి మోడళ్లకు గట్టి పోటీనిస్తోంది.