Fire Accident: మొయిన్‌బాగ్‌లో అగ్ని ప్రమాదం.. తప్పిన ముప్పు

Fire Accident: సంతోష్‌నగర్ పోలీస్ స్టేషన్ పరిధిలోని మొయిన్‌బాగ్ ప్రాంతంలో మే 18, 2026 తెల్లవారుజామున ఓ ఇంటిలో అగ్ని ప్రమాదం చోటుచేసుకుంది. ప్రాథమిక సమాచారం ప్రకారం, ఇంట్లో ఉన్న ఏసీకి షార్ట్ సర్క్యూట్ కావడంతో మంటలు చెలరేగినట్లు అనుమానిస్తున్నారు. మంటలు, పొగలు వ్యాపించడంతో స్థానికులు భయాందోళనకు గురయ్యారు.

సమాచారం అందుకున్న వెంటనే సంతోష్‌నగర్ పోలీసులు సంఘటనా స్థలానికి చేరుకుని స్థానికుల సహాయంతో నీళ్లు పోసి మంటలను అదుపులోకి తీసుకొచ్చారు. పోలీసుల వేగవంతమైన స్పందనతో భారీ ప్రమాదం తప్పింది. తర్వాత ఫైర్ డిపార్ట్‌మెంట్ సిబ్బంది కూడా సంఘటనా స్థలానికి చేరుకుని పూర్తి స్థాయిలో పరిస్థితిని అదుపులోకి తీసుకున్నారు. ఈ ఘటన స్థలానికి స్థానిక కార్పొరేటర్ సలీం బైగ్ కూడా చేరుకుని పరిస్థితిని పరిశీలించారు.

ప్రజలకు సూచన:

వేసవి కాలంలో ఎలక్ట్రికల్ పరికరాలను ఎక్కువసేపు ఉపయోగించే సమయంలో వైర్లు, ప్లగ్‌లు, ఏసీల పరిస్థితిని తరచూ తనిఖీ చేయాలి. చిన్న నిర్లక్ష్యం పెద్ద ప్రమాదాలకు దారితీయవచ్చు.