Crude Oil Price: క్రూడ్ ఆయిల్ ధరలు పతనం.. బ్రెంట్ బ్యారెల్కు $93.08
బలహీనమైన గ్లోబల్ ట్రెండ్స్తో క్రూడ్ ఆయిల్ ధరలు తగ్గాయి. దేశీయ మార్కెట్లో బ్యారెల్ ధర రూ.8,192కు చేరింది.
Crude Oil Price
అంతర్జాతీయ మార్కెట్లలో బలహీనమైన ట్రెండ్ కారణంగా ముడి చమురు ధరలు సోమవారం తగ్గాయి. దేశీయ ఫ్యూచర్స్ మార్కెట్లో సెప్టెంబర్ డెలివరీకి సంబంధించిన క్రూడ్ ఆయిల్ ధర బ్యారెల్కు రూ.167 తగ్గి రూ.8,192కు చేరింది.
కమోడిటీ ఎక్స్ఛేంజ్లో క్రూడ్ ఆయిల్ ఫ్యూచర్స్ ధర 0.2 శాతం తగ్గింది. మొత్తం 8,897 లాట్లలో ట్రేడింగ్ జరిగినట్లు మార్కెట్ గణాంకాలు వెల్లడించాయి. స్పాట్ మార్కెట్లో డిమాండ్ బలహీనంగా ఉండటంతో ట్రేడర్లు తమ పొజిషన్లను తగ్గించుకోవడం ధరలపై ప్రభావం చూపినట్లు విశ్లేషకులు తెలిపారు.
అంతర్జాతీయ మార్కెట్లోనూ క్రూడ్ ధరలు దిగివచ్చాయి. న్యూయార్క్ మార్కెట్లో వెస్ట్ టెక్సాస్ ఇంటర్మీడియట్ (WTI) క్రూడ్ ధర 1.79 శాతం తగ్గి బ్యారెల్కు 85.50 డాలర్లకు చేరింది.
అదే సమయంలో అంతర్జాతీయ బెంచ్మార్క్ బ్రెంట్ క్రూడ్ ధర 1.39 శాతం తగ్గి బ్యారెల్కు 93.08 డాలర్లకు పడిపోయింది.
ప్రపంచవ్యాప్తంగా స్పాట్ మార్కెట్లో డిమాండ్ బలహీనంగా ఉండటం, ట్రేడర్లలో అమ్మకాల ఒత్తిడి పెరగడం ప్రస్తుతం క్రూడ్ ఆయిల్ ధరలపై ప్రభావం చూపుతున్న ప్రధాన కారణాలుగా మార్కెట్ విశ్లేషకులు చెబుతున్నారు.