UAE Lottery: ఒక్కరికే రూ.13 కోట్లు.. యూఏఈ లాటరీలో అదృష్టం

Dh30m UAE Lottery: యూఏఈ లక్కీ డే లాటరీలో ఓ విజేతకు ఏకంగా 50 లక్షల దిర్హమ్‌ల బంపర్ ప్రైజ్ దక్కింది. భారత కరెన్సీలో ఈ మొత్తం సుమారు రూ.13 కోట్లకు సమానం. అక్టోబర్ 3, 2026న నిర్వహించిన 261003వ డ్రాలో ఈ మొత్తం రెండో బహుమతిగా లభించింది. అయితే లాటరీలో అత్యంత భారీగా ప్రకటించిన 3 కోట్ల దిర్హమ్‌ల గ్రాండ్ ప్రైజ్‌ను మాత్రం ఎవరూ గెలుచుకోలేకపోయారు. తాజా డ్రాలో వివిధ కేటగిరీల్లో మొత్తం 8,025 మంది విజేతలుగా నిలిచారు.

ఇవే విజేత నంబర్లు

తాజా లక్కీ డే డ్రాలో డేస్ విభాగంలో 12, 17, 4, 5, 18, 14 నంబర్లు విజేత నంబర్లుగా వచ్చాయి. నెలల విభాగంలో 10 నంబర్ నమోదైంది. మొత్తం ఆరు డేస్ నంబర్లను సరిగ్గా సరిపోల్చిన ఓ విజేతకు 50 లక్షల దిర్హమ్‌ల రెండో బహుమతి దక్కింది. అయితే ఆరు డేస్ నంబర్లతో పాటు నెలల నంబర్‌ను కూడా సరిగ్గా సరిపోల్చిన వారు ఎవరూ లేకపోవడంతో 3 కోట్ల దిర్హమ్‌ల జాక్‌పాట్ బహుమతి రోల్‌ఓవర్ అయింది.

ముగ్గురికి చెరో 50 వేల దిర్హమ్‌లు

లక్కీ ఛాన్స్ ఐడీ విభాగంలో ముగ్గురు విజేతలు ఒక్కొక్కరు 50,000 దిర్హమ్‌ల చొప్పున గెలుచుకున్నారు. వీరి ఐడీలు CU7185090, AE0396336, BP4042367గా ఉన్నాయి. డేస్ విభాగంలోని ఐదు నంబర్లతో పాటు నెలల నంబర్‌ను సరిపోల్చిన మరో విజేతకు 1 లక్ష దిర్హమ్‌ల మూడో బహుమతి లభించింది.

అదే సమయంలో 54 మంది విజేతలు ఒక్కొక్కరు 1,000 దిర్హమ్‌లు, మరో 7,966 మంది విజేతలు తలా 100 దిర్హమ్‌లు గెలుచుకున్నారు. అన్ని కేటగిరీలను కలిపి తాజా డ్రాలో మొత్తం 8,025 మంది నగదు బహుమతులు సొంతం చేసుకున్నారు.

అక్టోబర్ 7న మరో డ్రా

లక్కీ డే తదుపరి డ్రా అక్టోబర్ 7, 2026న నిర్వహించనున్నారు. ఈ డ్రాలో మరోసారి 3 కోట్ల దిర్హమ్‌ల గ్రాండ్ ప్రైజ్‌తో పాటు ఇతర నగదు బహుమతులను గెలుచుకునే అవకాశం ఉంది. నిర్వాహకులు ప్రకటించిన షెడ్యూల్ ప్రకారం లక్కీ డే డ్రాలను వారానికి రెండుసార్లు నిర్వహిస్తున్నారు.