Gold Rate Today: పసిడి ప్రియులకు షాక్: మళ్లీ పెరిగిన బంగారం ధరలు!

Gold Price Today: బంగారం కొనాలనుకునే సామాన్యులకు పసిడి ధరలు మళ్లీ షాకిస్తున్నాయి. కొంతకాలంగా సరికొత్త రికార్డులతో చుక్కలు చూపించిన గోల్డ్ రేట్లు, ఇటీవల కాస్త తగ్గినట్లే తగ్గినా... మళ్లీ క్రమంగా పెరుగుతుండటం కొనుగోలుదారుల్లో ఆందోళన కలిగిస్తోంది. అంతర్జాతీయంగా ఇరాన్-అమెరికా మధ్య కొనసాగుతున్న రాజకీయ ఉద్రిక్తతలు,

రూపాయితో డాలర్ మారకం విలువలో వస్తున్న మార్పులు బులియన్ మార్కెట్‌ను తీవ్రంగా ప్రభావితం చేస్తున్నాయని నిపుణులు విశ్లేషిస్తున్నారు. ఈ వారం ప్రారంభం నుంచే పసిడి జోరు అందుకోగా... కేవలం రెండు రోజుల్లోనే 10 గ్రాముల బంగారంపై దాదాపు రూ.1,000 వరకు ధర పెరిగింది. బుధవారం ఉదయం నాటికి కూడా పసిడి రేట్లు స్వల్పంగా పైకి కదిలాయి.

దేశీయంగా 24 క్యారెట్ల స్వచ్ఛమైన బంగారం 10 గ్రాములపై రూ.10 పెరిగి రూ.1,44,230 వద్ద నమోదు కాగా, ఆభరణాల తయారీకి వాడే 22 క్యారెట్ల బంగారం 10 గ్రాముల ధర కూడా రూ.10 పెరిగి రూ.1,32,210 కి చేరింది. అయితే, పసిడి పరుగుకు భిన్నంగా వెండి కాస్త తగ్గుముఖం పట్టి వినియోగదారులకు ఊరటనిచ్చింది.

కిలో వెండి ధరపై రూ.100 మేర తగ్గి దేశీయంగా రూ.2,34,900 వద్ద కొనసాగుతోంది. ప్రాంతీయ పన్నులు, స్థానిక డిమాండ్, రవాణా ఖర్చుల ఆధారంగా నగరాల వారీగా బంగారం, వెండి ధరల్లో వ్యత్యాసాలు కనిపిస్తున్నాయి.

మన తెలుగు నగరాలైన హైదరాబాద్, విజయవాడ, విశాఖలలో ఈరోజు 24 క్యారెట్ల బంగారం 10 గ్రాములకు రూ.1,44,230 కాగా, 22 క్యారెట్ల బంగారం ధర రూ.1,32,210 గా ఉంది. ఇక ఈ ప్రాంతాల్లో కిలో వెండి ధర స్థానిక పన్నుల ప్రభావంతో రూ.2,40,100 వద్ద విక్రయమవుతోంది. దేశ వాణిజ్య రాజధాని ముంబైతో పాటు సిలికాన్ వ్యాలీ బెంగళూరులోనూ పసిడి ధరలు తెలుగు రాష్ట్రాల స్థాయిలోనే కొనసాగుతున్నాయి.

అక్కడ 24 క్యారెట్ల బంగారం రూ.1,44,230, 22 క్యారెట్లు రూ.1,32,210 కాగా, కిలో వెండి ధర రూ.2,34,900 వద్ద లభిస్తోంది. మిగతా నగరాలతో పోలిస్తే ఢిల్లీలో పసిడి ధరలు కాస్త ఎక్కువగా నమోదు అయ్యాయి. ఢిల్లీలో 24 క్యారెట్ల బంగారం 10 గ్రాములకు రూ.1,44,380 కాగా, 22 క్యారెట్ల ధర రూ.1,32,360 గా ఉంది. వెండి మాత్రం కిలో రూ.2,34,900 వద్దే స్థిరంగా ఉంది.

చెన్నైలో 24 క్యారెట్ల పసిడి రేటు రూ.1,44,230, 22 క్యారెట్ల రేటు రూ.1,32,210 గా ఉండగా, కిలో వెండి ధర మన హైదరాబాద్ తరహాలోనే రూ.2,40,100 కి చేరింది. బంగారం, వెండి రేట్లు దేశమంతటా ఒకేలా ఉండవు. స్థానిక బులియన్ సంఘాల నిర్ణయాలు, రవాణా వ్యయం, ఆయా రాష్ట్ర ప్రభుత్వాలు విధించే స్థానిక GST లేదా పన్నులు, అలాగే డిమాండ్-సరఫరాల మధ్య వ్యత్యాసం ఆధారంగా ఒక్కో నగరంలో ఒక్కో రకమైన ధరలు ఉంటాయని మార్కెట్ నిపుణులు గుర్తుచేస్తున్నారు.