Gold Scheme: గోల్డ్ స్కీమ్లో పెట్టుబడి పెడుతున్నారా? ఈ విషయాలు కచ్చితంగా తెలుసుకోండి!
Gold Scheme: బంగారం కొనడం అంటే చాలా మందికి భద్రత, భవిష్యత్ పెట్టుబడి. అందుకే చాలామంది జ్యువెలర్లు ఇచ్చే గోల్డ్ సేవింగ్ స్కీమ్స్లో చేరుతున్నారు.
Gold Scheme: గోల్డ్ స్కీమ్లో పెట్టుబడి పెడుతున్నారా? ఈ విషయాలు కచ్చితంగా తెలుసుకోండి!
Gold Scheme: బంగారం కొనడం అంటే చాలా మందికి భద్రత, భవిష్యత్ పెట్టుబడి. అందుకే చాలామంది జ్యువెలర్లు ఇచ్చే గోల్డ్ సేవింగ్ స్కీమ్స్లో చేరుతున్నారు. ప్రతి నెల కొంత డబ్బు పెట్టి చివరికి గోల్డ్ కొనడం సులభంగా అనిపిస్తుంది. కానీ ఇందులో కొన్ని నిజాలు తెలుసుకోకపోతే నష్టపోయే అవకాశం కూడా ఉంది.
గోల్డ్ స్కీమ్స్ ఎలా పనిచేస్తాయి?
జ్యువెలర్లు సాధారణంగా 10 లేదా 11 నెలలపాటు స్కీమ్స్ ఇస్తారు. మీరు ప్రతి నెల ఒక ఫిక్స్డ్ అమౌంట్ చెల్లిస్తారు. కాలం పూర్తయ్యాక ఆ మొత్తం డబ్బుతో గోల్డ్ జ్యువెలరీ కొనవచ్చు. కొందరు జ్యువెలర్లు ఒక నెల ఇన్స్టాల్మెంట్కు సమానంగా బోనస్ ఇస్తారు లేదా మేకింగ్ ఛార్జ్లో తగ్గింపు ఇస్తారు. ఇది చూస్తే చాలా లాభంగా అనిపిస్తుంది. కానీ ఇందులో కొన్ని ముఖ్యమైన షరతులు ఉంటాయి.
ధర లాక్ అవుతుందని అనుకోవడం పొరపాటు
చాలామంది చేసే పెద్ద తప్పు ఇదే. ఈ స్కీమ్లో మీరు బంగారం ధరను ముందుగానే ఫిక్స్ చేయడం కాదు. మీరు కేవలం డబ్బు సేవ్ చేస్తున్నట్టే. మీరు చివర్లో గోల్డ్ కొనేటప్పుడు ఉన్న ధరే వర్తిస్తుంది. మధ్యలో బంగారం ధర పెరిగితే, మీరు ఎక్కువ డబ్బు పెట్టాల్సి వస్తుంది. అందుకే “ముందే గోల్డ్ బుక్ చేసుకున్నాం” అనుకోవడం తప్పు.
మేకింగ్ ఛార్జ్లో దాగి ఉన్న నిజం
కొన్ని స్కీమ్స్ మేకింగ్ ఛార్జ్ ఫ్రీ లేదా డిస్కౌంట్ అని చెబుతాయి. కానీ ఇవి పూర్తిగా ఉచితం కాదు. కొన్ని ప్రత్యేక డిజైన్స్కే ఆఫర్ వర్తించవచ్చు. డిస్కౌంట్కు పరిమితి ఉండొచ్చు. మీరు వేరే డిజైన్ ఎంచుకుంటే ఎక్కువ ఛార్జ్ పడొచ్చు. ఇలా చివరికి మీ బిల్ పెరిగే అవకాశం ఉంది. అందుకే ముందుగానే అన్ని షరతులు తెలుసుకోవాలి.
స్కీమ్లో ఫ్లెక్సిబిలిటీ ఉండకపోవచ్చు
ఈ స్కీమ్స్లో నిబంధనలు ఎక్కువగా ఉంటాయి. ఒక నెల చెల్లింపు మిస్ అయితే బెనిఫిట్స్ తగ్గవచ్చు. మధ్యలో స్కీమ్ వదిలేస్తే బోనస్ రాకపోవచ్చు. చివర్లో కొనకపోతే ఇచ్చే ఆఫర్లు రద్దవచ్చు. అందుకే మీ ఫైనాన్షియల్ ప్లాన్కు సరిపోతుందో లేదో చూసుకోవాలి.
ఎప్పుడు ఈ స్కీమ్ ఉపయోగపడుతుంది?
మీకు ముందే గోల్డ్ కొనాల్సిన ప్లాన్ ఉంటే ఇది మంచిదే. ఉదాహరణకు పెళ్లి, పండగల కోసం ముందుగానే ప్లాన్ చేస్తే, నెలనెలా సేవ్ చేసుకోవడం సులభం. కానీ ఇది ఇన్వెస్ట్మెంట్ కాదు. గోల్డ్ ధర పెరిగితే లాభం వస్తుందనే గ్యారంటీ లేదు. ఈ స్కీమ్లో చేరే ముందు బోనస్ ఎలా లెక్కిస్తారు, మేకింగ్ ఛార్జ్ ఆఫర్కు ఏ షరతులు ఉన్నాయి, ఎలాంటి డిజైన్స్కి మాత్రమే వర్తిస్తుంది, EMI మిస్ అయితే ఏమవుతుంది, మధ్యలో స్కీమ్ ఆపితే రిఫండ్ ఎలా ఉంటుంది వంటి విషయాలు తెలుసుకోవడం మంచిది.
Mokshith
2015లో జర్నలిజం స్కూల్ ద్వారా నా కెరీర్ను ప్రారంభించాను. అనంతరం 2016 నుంచి పలు మీడియా సంస్థల్లో పనిచేశాను. మొదట ప్రింట్ ఆ తర్వాత డిజిటల్లో కలిపి మొత్తం 10 ఏళ్ల అనుభవం ఉంది. నేను ఎక్కువగా లైఫ్స్టైల్, అంతర్జాతీయం, టెక్నాలజీ, బిజినెస్, ఆస్ట్రాలజీకి సంబంధించి వార్తలు రాస్తుంటాను.