జియో వర్సెస్ ఎయిర్‌టెల్‌.. ఈ రెండింటిలో 200 రూపాయల లోపు రీఛార్జ్ ప్లాన్‌లో ఏది బెస్ట్?

Jio vs Airtel: జియో, ఎయిర్‌టెల్ రెండూ 200 రూపాయల లోపు రీఛార్జ్ ప్లాన్లు అందిస్తున్నాయి. ధర దాదాపు ఒకేలా ఉన్నా, వాలిడిటీ, డేటా, అదనపు బెనిఫిట్స్‌లో స్పష్టమైన తేడాలు ఉన్నాయి. ఈ రెండు ప్లాన్లను ఇప్పుడు వివరంగా చూద్దాం.

జియో 198 రూపాయల రీఛార్జ్ ప్లాన్ వివరాలు

జియో 198 రూపాయల ప్లాన్ 14 రోజుల వాలిడిటీతో వస్తుంది. ఈ ప్లాన్‌లో రోజుకు 2GB డేటా ల‌భిస్తుంది, అంటే మొత్తం 28GB డేటా ఉపయోగించుకోవచ్చు. అదనంగా అన్‌లిమిటెడ్ కాలింగ్ సౌకర్యం, రోజుకు 100 SMSలు కూడా అందుబాటులో ఉంటాయి. అర్హత ఉన్న యూజర్లకు అన్‌లిమిటెడ్ 5G డేటా కూడా లభిస్తుంది. బేసిక్ బెనిఫిట్స్‌తో పాటు జియోటీవీ, జియో ఏఐ క్లౌడ్ వంటి అదనపు సర్వీసులు కూడా ఇందులో ఉన్నాయి. తక్కువ కాలానికి ఇంటర్నెట్, కాలింగ్ అవసరాలు తీరాలనుకునే వారికి ఈ ప్లాన్ ఉపయోగకరంగా ఉంటుంది.

ఎయిర్‌టెల్ 199 రూపాయల రీఛార్జ్ ప్లాన్ వివరాలు

ఎయిర్‌టెల్ 199 రూపాయల ప్లాన్ 28 రోజుల వాలిడిటీతో వస్తుంది. ఇందులో కూడా రోజుకు 2GB డేటా, అన్‌లిమిటెడ్ కాలింగ్, రోజుకు 100 SMSలు అందిస్తారు. కానీ జియోతో పోలిస్తే ఇందులో వాలిడిటీ రెట్టింపు ఉంటుంది. అదనంగా 12 నెలల పాటు అడాబ్ ఎక్స్‌ప్రెస్ ప్రీమియం సబ్‌స్క్రిప్షన్, ఎయిర్‌టెల్ ఎక్స్‌ట్రీమ్ ప్లే యాక్సెస్, అలాగే ఒక నెల పాటు ఉచిత హ‌లో ట్యూన్స్ సర్వీస్ కూడా పొందొచ్చు. ఈ అదనపు బెనిఫిట్స్ వల్ల ఇది కేవలం డేటా ప్లాన్ మాత్రమే కాకుండా ఎంటర్టైన్‌మెంట్, క్రియేటివ్ టూల్స్‌కు కూడా ఉపయోగపడుతుంది.

రెండు ప్లాన్ల మధ్య తేడా

జియో, ఎయిర్‌టెల్ ప్లాన్లను పోల్చితే ప్రధాన తేడా వాలిడిటీలో కనిపిస్తుంది. జియో 198 రూపాయల ప్లాన్ కేవలం 14 రోజులకు మాత్రమే పరిమితం కాగా, ఎయిర్‌టెల్ 199 రూపాయల ప్లాన్ 28 రోజుల పాటు అందుబాటులో ఉంటుంది. డేటా పరంగా చూస్తే రెండు ప్లాన్లలో రోజుకు 2GB డేటా ఒకేలా ఉన్నా, ఎయిర్‌టెల్ ఎక్కువ కాలం సేవ అందిస్తుంది. అదనంగా ఎయిర్‌టెల్‌లో కొన్ని ప్రీమియం సబ్‌స్క్రిప్షన్లు కూడా ఉన్నాయి, జియోలో మాత్రం బేసిక్ యాప్స్ మాత్రమే లభిస్తాయి.

ఏ ప్లాన్ బెస్ట్?

మొత్తం పోలికలో చూస్తే ఎయిర్‌టెల్ 199 రూపాయల ప్లాన్ ఎక్కువ ప్రయోజనకరంగా కనిపిస్తుంది. తక్కువ అదనపు ధరతోనే ఎక్కువ వాలిడిటీ, అదనపు సర్వీసులు లభించడం దీని పెద్ద ప్లస్ పాయింట్. ముఖ్యంగా స్టూడెంట్స్ లేదా కంటెంట్ క్రియేటర్స్‌కి Adobe Express వంటి టూల్స్ ఉపయోగపడతాయి. మరోవైపు, తక్కువ కాలానికి మాత్రమే రీఛార్జ్ అవసరమయ్యే వారికి జియో 198 రూపాయల ప్లాన్ కూడా సరిపోతుంది.