Petrol Price Today : వాహనదారులకు ఊరట.. తెలుగు రాష్ట్రాల్లో స్థిరంగా సాగుతున్న పెట్రోల్, డీజిల్ ధరలు

Petrol Price Today : గ్లోబల్ మార్కెట్లో ముడి చమురు ధరల్లో నిరంతరం మార్పులు, ఒడిదొడుకులు జరుగుతున్నప్పటికీ దేశీయంగా ఇంధన ధరలపై ఆ ప్రభావం పెద్దగా కనిపించడం లేదు. ముఖ్యంగా తెలుగు రాష్ట్రాల్లోని ప్రధాన నగరాల్లో ఇంధన ధరలు ఈరోజు కూడా ఎలాంటి మార్పు లేకుండా స్థిరంగానే సాగుతున్నాయి. జూన్ 11 (గురువారం) ఉదయం 6 గంటల సమయానికి ప్రభుత్వ రంగ చమురు సంస్థలు సవరించిన లేటెస్ట్ ధరల ప్రకారం.. రెండు రాష్ట్రాల్లోనూ రేట్లు యథాతథంగానే ఉన్నాయి.

తెలంగాణ రాజధాని హైదరాబాద్‌లో గత కొన్ని రోజులుగా ఇంధన ధరలు పెద్దగా మార్పు లేకుండా ఒకే పరిధిలో సాగుతున్నాయి. నేడు నగరంలో లీటర్ పెట్రోల్ ధర రూ. 115.72 వద్ద విక్రయించబడుతుండగా, డీజిల్ ధర లీటరుకు రూ. 103.82 వద్ద స్థిరంగా కొనసాగుతోంది. తెలంగాణలోని మరో ముఖ్య నగరం వరంగల్‌లో కూడా దాదాపు ఇవే ధరలు ఉన్నాయి. కొన్ని గ్రామీణ ప్రాంతాల్లో రవాణా ఖర్చుల వల్ల పైసల స్థాయిలో స్వల్ప వ్యత్యాసాలు మినహా, రాష్ట్రవ్యాప్తంగా రేట్లు దాదాపు ఒకేలా ఉన్నాయి. కరీంనగర్, ఖమ్మం, నిజామాబాద్, మహబూబ్‌నగర్ జిల్లాల్లోనూ ఇదే పరిస్థితి కనిపిస్తోంది.

ఆంధ్రప్రదేశ్‌ విషయానికి వస్తే.. ప్రముఖ వాణిజ్య నగరం విజయవాడలో ఇంధన ధరలు హైదరాబాద్ కంటే కాస్త ఎక్కువగా ఉన్నాయి. ఇక్కడ నేడు లీటర్ పెట్రోల్ ధర రూ. 117.54 వద్ద విక్రయించబడుతుండగా, డీజిల్ ధర లీటరుకు రూ. 105.21 గా రికార్డయింది. మరోవైపు సాగరతీర నగరం విశాఖపట్నంలో విజయవాడతో పోలిస్తే ఇంధన ధరలు స్వల్పంగా తక్కువగా ఉన్నాయి. వైజాగ్‌లో నేడు లీటర్ పెట్రోల్ రేటు రూ. 116.39 గా నమోదు కాగా, డీజిల్ రేటు రూ. 104.14 వద్ద విక్రయించవుతోంది.

గమనించాల్సిన విషయం ఏంటంటే, స్థానిక వ్యాట్ (VAT), రవాణా ఛార్జీల కారణంగా రాష్ట్రంలోని వేర్వేరు జిల్లాల్లో, ప్రాంతాల్లో ఈ ధరల్లో స్వల్ప తేడాలు ఉండే అవకాశం ఉంది. వినియోగదారులు పెట్రోల్ బంకులకు వెళ్లకుండానే తమ మొబైల్ ఫోన్ ద్వారా తాజా రేట్లను తెలుసుకునే సదుపాయాన్ని ఆయిల్ కంపెనీలు కల్పిస్తున్నాయి. ఇండియన్ ఆయిల్ వినియోగదారులు తమ సమీప పెట్రోల్ బంక్‌కు సంబంధించిన డీలర్ కోడ్‌ను తెలుసుకుని, మొబైల్ మెసేజ్ బాక్స్‌లో RSP అని టైప్ చేసి, స్పేస్ ఇచ్చి డీలర్ కోడ్ ఎంటర్ చేసి 92249 92249 నంబర్‌కు SMS పంపితే, ఆ ప్రాంతంలోని ఖచ్చితమైన ధరలు వెంటనే మొబైల్‌కు అందుతాయి.