Tamil Nadu Govt Vegetable Pack: దీపావళి కానుక.. రూ.100కే 10 రకాల కూరగాయలు!

నవంబర్ 5 నుంచి 7 వరకు ప్రత్యేక విక్రయాలు

తమిళనాడు ప్రభుత్వం ప్రవేశపెట్టిన ఈ ప్రత్యేక కూరగాయల ప్యాక్ విక్రయాలు నవంబర్ 5 నుంచి 7వ తేదీ వరకు మూడు రోజుల పాటు కొనసాగనున్నాయి. రాష్ట్రవ్యాప్తంగా ఎంపిక చేసిన 218 సహకార దుకాణాల (Cooperative Stores) ద్వారా వీటిని పంపిణీ చేయనున్నారు.

దీపావళి పండుగ సమయంలో వంటింటికి అవసరమైన ప్రధాన కూరగాయలను ఒకే ప్యాకేజీలో తక్కువ ధరకు అందించడం ఈ పథకం ప్రధాన ఉద్దేశం. మార్కెట్ ధరలతో పోలిస్తే ప్రజలకు కొంత ఆర్థిక ఊరట కల్పించేందుకు ప్రభుత్వం ఈ నిర్ణయం తీసుకుంది.

రూ.100 ప్యాక్‌లో 10 రకాల కూరగాయలు

ఈ ప్రత్యేక ప్యాక్‌లో మొత్తం 2.55 నుంచి 2.60 కిలోల వరకు కూరగాయలు ఉంటాయి. పర్యావరణహితమైన ప్రత్యేక ప్యాకింగ్‌లో వీటిని అందిస్తున్నారు.

రూ.100కే లభించే కూరగాయల వివరాలు ఇవే:

పండుగ వేళ సామాన్యులకు ఊరట

దీపావళి సమయంలో ఇంట్లో ప్రత్యేక వంటకాలు తయారు చేసుకోవడానికి కూరగాయలు ఎక్కువగా అవసరమవుతాయి. ఈ నేపథ్యంలో పది రకాల కూరగాయలను ఒకే ప్యాక్‌లో రూ.100కే అందించడం వల్ల వినియోగదారులకు ప్రయోజనం కలగనుంది. ఎంపిక చేసిన సహకార దుకాణాల ద్వారా ఈ ప్యాక్‌లను అందుబాటులో ఉంచడంతో ప్రజలు ఒకేచోట అవసరమైన కూరగాయలను కొనుగోలు చేయవచ్చు.