Podili: మార్కాపురం-పొదిలి అడ్డరోడ్డు సమీపంలో రోడ్డు ప్రమాదం!

Podili: మార్కాపురం–పొదిలి అడ్డరోడ్డు సమీపంలో శుక్రవారం రోడ్డు ప్రమాదం చోటుచేసుకుంది. రోడ్డుపై నడుచుకుంటూ వెళ్తున్న ప్రభుత్వ ఉపాధ్యాయుడు నూతలపాటి నాగేశ్వరరావును బైక్‌పై వెళ్తున్న ఇద్దరు యువకులు ఢీకొట్టారు.

ఈ ప్రమాదంలో నాగేశ్వరరావుకు తీవ్ర గాయాలయ్యాయి. వెంటనే స్థానికులు ఆయనను పొదిలి ప్రభుత్వ ఆసుపత్రికి తరలించారు.

అక్కడ వైద్యులు ప్రథమ చికిత్స అందించిన అనంతరం మెరుగైన వైద్యం కోసం ఒంగోలు తరలించారు. ప్రమాద ఘటనపై పూర్తి వివరాలు తెలియాల్సి ఉంది.