CBSE 10th Result 2026: సీబీఎస్‌ఈ 10వ తరగతి ఫలితాలు.. ఏ క్షణంలోనైనా విడుదలయ్యే ఛాన్స్!

CBSE 10th Result 2026: సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) పదో తరగతి ఫలితాల విడుదలకు ముహూర్తం ఖరారైనట్లు తెలుస్తోంది. ఫిబ్రవరి 17 నుంచి మార్చి 11 వరకు జరిగిన ఈ పరీక్షల ఫలితాలు ఏ క్షణంలోనైనా అధికారిక వెబ్‌సైట్‌లో అందుబాటులోకి వచ్చే అవకాశం ఉంది. ఈ ఏడాది మే నెలలో రెండో విడత పరీక్షలు నిర్వహించాల్సి ఉన్నందున, ఏప్రిల్ మూడో వారంలోనే ఫలితాలను ప్రకటించేలా బోర్డు కసరత్తు చేస్తోంది.

ఫలితాలను ఎక్కడ చూడాలి?

విద్యార్థులు తమ మార్కులను ఈ క్రింది వెబ్‌సైట్లు మరియు మొబైల్ యాప్‌ల ద్వారా తెలుసుకోవచ్చు:

అధికారిక వెబ్‌సైట్లు: www.cbse.gov.in, results.cbse.nic.in

మొబైల్ యాప్స్: డిజీలాకర్ (DigiLocker), ఉమాంగ్ (UMANG).

చెక్ చేసుకునే విధానం:

పైన పేర్కొన్న ఏదైనా వెబ్‌సైట్‌ను సందర్శించాలి.

హోమ్ పేజీలో 'CBSE Class 10th Result 2026' లింక్‌పై క్లిక్ చేయాలి.

మీ రోల్ నంబర్, స్కూల్ నంబర్, అడ్మిట్ కార్డు ఐడీ, మరియు పుట్టిన తేదీ వివరాలను ఎంటర్ చేయాలి.

సబ్మిట్ బటన్ నొక్కగానే మీ మార్కుల జాబితా స్క్రీన్‌పై కనిపిస్తుంది.

భవిష్యత్తు అవసరాల కోసం ఫలితాలను డౌన్‌లోడ్ లేదా ప్రింట్ తీసుకోవాలి.

గత రెండేళ్లుగా మే 13న ఫలితాలు విడుదల చేసిన బోర్డు, ఈసారి పరీక్షలను ముందుగానే ముగించడంతో ఫలితాలను కూడా త్వరగా అందించేందుకు మొగ్గు చూపుతోంది.