TG Inter Supplementary Results 2026: నేడే తెలంగాణ ఇంటర్ సప్లిమెంటరీ ఫలితాలు..అఫీషియల్ వెబ్‌సైట్ లింక్స్ ఇవే!

TG Inter Advanced Supplementary Results 2026: తెలంగాణ ఇంటర్మీడియట్ అడ్వాన్స్‌డ్ సప్లిమెంటరీ పరీక్షలు రాసిన విద్యార్థుల నిరీక్షణకు తెరపడనుంది. ఇంటర్ ప్రథమ, ద్వితీయ సంవత్సర (జనరల్, వొకేషనల్) అడ్వాన్స్‌డ్ సప్లిమెంటరీ పరీక్షల ఫలితాలు గురువారం ఉదయం 11:30 గంటలకు అధికారికంగా విడుదల కానున్నాయి. ఇంటర్ బోర్డు సెక్రటరీ ఈ మేరకు ఒక ప్రకటనలో వివరాలను వెల్లడించారు.

ఫలితాలు చూసుకోవడానికి అధికారిక వెబ్‌సైట్లు:

విద్యార్థులు మరియు తల్లిదండ్రుల సౌకర్యార్థం మార్కులతో కూడిన ఫలితాలను కింద పేర్కొన్న బోర్డు అధికారిక వెబ్‌సైట్లలో అందుబాటులో ఉంచనున్నారు:

👉 https://tgbie.cgg.gov.in

👉 http://results.cgg.gov.in

మార్కుల మెమో డౌన్‌లోడ్ చేసుకోండిలా:

ఫలితాలు విడుదలైన వెంటనే విద్యార్థులు పైన పేర్కొన్న వెబ్‌సైట్లను సందర్శించి, తమ హాల్ టికెట్ నంబర్‌ (Hall Ticket Number) నమోదు చేయడం ద్వారా సబ్జెక్టుల వారీగా వచ్చిన మార్కులను చూసుకోవచ్చు. అలాగే భవిష్యత్తు అవసరాల కోసం మార్కుల మెమోలను నేరుగా డౌన్‌లోడ్ చేసుకోవచ్చని బోర్డు సూచించింది.

3.98 లక్షల మంది విద్యార్థులు:

రాష్ట్రవ్యాప్తంగా మే 12వ తేదీ నుండి మే 21వ తేదీ వరకు ఇంటర్ సప్లిమెంటరీ పరీక్షలు అత్యంత కట్టుదిట్టమైన భద్రత మధ్య జరిగాయి. ఈ పరీక్షలకు ఫస్ట్ ఇయర్, సెకండ్ ఇయర్ కలిపి మొత్తం 3,98,358 మంది విద్యార్థులు హాజరయ్యారు. ఫలితాల విడుదల నేపథ్యంలో బోర్డు అధికారులు వెబ్‌సైట్ సర్వర్లపై ఎలాంటి సాంకేతిక సమస్యలు రాకుండా ముందస్తు చర్యలు చేపట్టారు.