Chinturu: చింతూరులో జోరుగా జనసేన జడ్పీటీసీ అభ్యర్థి తీగల కవిత ప్రచారం!

చింతూరు: చింతూరు జనసేన జడ్పీటీసీ అభ్యర్థి తీగల కవిత ఎన్నికల ప్రచారం దూసుకుపోతోంది. మోతుగూడెం గ్రామంలో ఆమె నిర్వహించిన ప్రచారానికి ప్రజల నుంచి అపూర్వ స్పందన లభించింది. గ్రామస్తులు ఆమెకు బ్రహ్మరథం పట్టారు. ఇంటింటికీ తిరుగుతూ తీగల కవిత ఓటర్లను కలుసుకున్నారు. ప్రజల సమస్యలను అడిగి తెలుసుకున్నారు. మహిళలు పెద్ద ఎత్తున తరలివచ్చి ఆమెకు మద్దతు తెలిపారు.

జన సైనికులు, కూటమి నాయకులు పెద్ద ఎత్తున పాల్గొని ప్రచారాన్ని విజయవంతం చేశారు.ఈ సందర్భంగా తీగల కవిత మాట్లాడుతూ తనను గెలిపిస్తే మోతుగూడెం ప్రజల దీర్ఘకాలిక సమస్యల పరిష్కారానికి కృషి చేస్తానని హామీ ఇచ్చారు. ముఖ్యంగా తాగునీటి సమస్యకు శాశ్వత పరిష్కారం చూపిస్తానని, డ్రైనేజీ వ్యవస్థను మెరుగుపరుస్తానని, పారిశుధ్యంపై ప్రత్యేక దృష్టి సారిస్తానని తెలిపారు. అభివృద్ధే తన లక్ష్యమని, ప్రజలకు ఎల్లప్పుడూ అందుబాటులో ఉంటానని ఆమె స్పష్టం చేశారు.