Krishnampalem: కృష్ణంపాలెంలో ఓల్డ్ ఏజ్ హోమ్ నూతన భవనానికి శంకుస్థాపన!

కృష్ణంపాలెం: తూర్పుగోదావరి జిల్లా దేవరపల్లి మండలం కృష్ణంపాలెం గ్రామ పంచాయతీ పరిధిలో రాజ్యాంగ నిర్మాత డాక్టర్ అంబేద్కర్ పేరుతో వృద్ధులకు సేవలందిస్తున్న శ్రీమతి గుద్ శ్యామల దేవి ఆధ్వర్యంలోని కేర్ సొసైటీ సేవలను మరింత విస్తరించే దిశగా నూతన భవన నిర్మాణానికి శంకుస్థాపన కార్యక్రమం ఘనంగా నిర్వహించారు. వృద్ధులకు మెరుగైన వసతి, వైద్య సేవలు, సంరక్షణ, సౌకర్యాలు అందించాలనే లక్ష్యంతో చేపట్టిన ఈ నిర్మాణ పనులు త్వరలో పూర్తి చేయనున్నట్లు నిర్వాహకులు తెలిపారు.

ఈ కార్యక్రమానికి ముఖ్య అతిథిగా జనసేన పార్టీ ఇంచార్జి దొడ్డిగర్ల సువర్ణరాజు హాజరై శంకుస్థాపన చేశారు. అనంతరం మాట్లాడుతూ, సమాజంలో వృద్ధుల సంక్షేమానికి సేవా కార్యక్రమాలు నిర్వహించడం అభినందనీయమని పేర్కొన్నారు. వృద్ధులకు గౌరవప్రదమైన జీవనం కల్పించేందుకు ప్రతి ఒక్కరూ తమ వంతు సహకారం అందించాలని పిలుపునిచ్చారు.

కార్యక్రమంలో సీనియర్ జనసేన నాయకులు కౌలూరి సత్తిబాబు, గ్రామ జనసేన పార్టీ అధ్యక్షుడు పోసి బాబు, అయ్యప్ప, గుడే వెంకటేశ్వరరావు, రామన్నపాలెం గ్రామ ప్రముఖుడు కూచిపూడి రమేష్‌తో పాటు పలువురు గ్రామ పెద్దలు, సామాజిక కార్యకర్తలు, స్థానిక ప్రజలు పాల్గొన్నారు. కేర్ సొసైటీ చేపడుతున్న సేవా కార్యక్రమాలను వారు ప్రశంసిస్తూ, భవిష్యత్తులో కూడా ఇటువంటి సేవలు నిరంతరం కొనసాగాలని ఆకాంక్షించారు.

ఈ సందర్భంగా శ్రీమతి గుద్ శ్యామల దేవి మాట్లాడుతూ, డాక్టర్ అంబేద్కర్ ఆశయాలకు అనుగుణంగా సమాజంలోని వృద్ధులకు ప్రేమ, ఆదరణ, అవసరమైన సేవలు అందించడమే తమ లక్ష్యమని తెలిపారు. నూతన భవనం నిర్మాణం పూర్తయిన తర్వాత మరింత మంది వృద్ధులకు ఆశ్రయం, ఆరోగ్య సంరక్షణ, అవసరమైన సౌకర్యాలు అందించే అవకాశం కలుగుతుందని వెల్లడించారు. కార్యక్రమం అనంతరం అతిథులకు నిర్వాహకులు కృతజ్ఞతలు తెలిపారు.