Chirala: రాజేంద్ర ప్రసాద్ ‘నేనెవరు’ చిత్రానికి కో-డైరెక్టర్‌గా కట్టా జై..

చీరాల: తెలుగు సినీ పరిశ్రమలో తనకంటూ ప్రత్యేక గుర్తింపును సంపాదించుకుంటున్న యువ దర్శకుడు, రచయిత కట్టా జై చీరాల ప్రాంతానికి చెందినవారు కావడం స్థానికులకు గర్వకారణంగా మారింది. అతి తక్కువ కాలంలోనే తన ప్రతిభ, కృషి, అంకితభావంతో సినీ రంగంలో మంచి అవకాశాలను అందిపుచ్చుకుంటూ ముందుకు సాగుతున్నారు.

2024లో విడుదలైన "కర్మయోగం (రిటర్న్ గిఫ్ట్)" చిత్రానికి కథ, రచన, దర్శకత్వం, నిర్మాణ బాధ్యతలను నిర్వహించి తన సృజనాత్మకతను చాటుకున్నారు. ఈ చిత్రం ద్వారా పలువురు నూతన కళాకారులు, సాంకేతిక నిపుణులకు సినీ రంగంలో అవకాశాలు కల్పించి వారిని ప్రేక్షకులకు పరిచయం చేశారు.

అలాగే 2026లో విడుదలైన నటకిరీటి రాజేంద్ర ప్రసాద్ ప్రధాన పాత్రలో నటించిన "నేనెవరు" చిత్రానికి సహాయ దర్శకుడిగా (కో-డైరెక్టర్) పనిచేసి సినీ పరిశ్రమలోని ప్రముఖుల ప్రశంసలు అందుకున్నారు. తన పనితనం, అంకితభావంతో దర్శకుడిగా ప్రత్యేక గుర్తింపు పొందుతున్నారు.

చాలా తక్కువ సమయంలోనే పలువురు ప్రముఖ నటులు, సాంకేతిక నిపుణులతో కలిసి పనిచేసిన కట్టా జై, చీరాల ప్రాంతానికి మంచి పేరు తీసుకువస్తున్నారని స్థానికులు హర్షం వ్యక్తం చేస్తున్నారు. చీరాల, జాండ్రపేట, వేటపాలెం తదితర ప్రాంతాల్లో ఆయనకు అభిమానులు ఉన్నారు.

భవిష్యత్తులో మరిన్ని మంచి చిత్రాలను అందిస్తూ తెలుగు సినీ పరిశ్రమలో ఉన్నత స్థాయికి చేరుకోవాలని అభిమానులు, సినీ ప్రముఖులు ఆకాంక్షిస్తున్నారు. తన ప్రతిభతో చీరాల పేరును రాష్ట్రవ్యాప్తంగా మరింతగా నిలబెట్టాలని స్థానికులు కోరుకుంటున్నారు.