Guntur: పోలీస్ అమరవీరుల కుటుంబాలకు గుంటూరు పోలీసుల అండ!
Guntur: విధి నిర్వహణలో ప్రాణాలు అర్పించిన పోలీస్ అమరవీరుల కుటుంబాలను గుంటూరు జిల్లా పోలీస్ అధికారులు పరామర్శించి, వారి సమస్యల పరిష్కారానికి పూర్తి భరోసా ఇచ్చారు.
Guntur: పోలీస్ అమరవీరుల కుటుంబాలకు గుంటూరు పోలీసుల అండ!
గుంటూరు: దేశ రక్షణ, ప్రజల భద్రత కోసం విధి నిర్వహణలో ప్రాణత్యాగం చేసిన పోలీస్ అమరవీరుల కుటుంబాలకు గుంటూరు జిల్లా పోలీస్ శాఖ అండగా నిలిచింది. పోలీస్ అమరవీరుల సంస్మరణ దినోత్సవం సందర్భంగా అమరవీరుల కుటుంబాలను పోలీసులు పరామర్శించి, వారి యోగక్షేమాలను తెలుసుకున్నారు.
పిడుగురాళ్లలో నక్సలైట్ల దాడిలో ప్రాణాలు కోల్పోయిన కానిస్టేబుల్ బి. రాజకుమార్, బండ్లమోటు బ్లాస్టింగ్ ఘటనలో మృతి చెందిన కానిస్టేబుల్ కే. గౌరీ శంకర్ కుటుంబ సభ్యులను సంబంధిత పోలీస్ అధికారులు కలిసి వారి సమస్యలు, గ్రీవెన్స్‌ను అడిగి తెలుసుకున్నారు.
అమరవీరుల కుటుంబాలకు పోలీస్ శాఖ ఎల్లప్పుడూ అండగా ఉంటుందని, వారి సమస్యల పరిష్కారానికి అవసరమైన చర్యలు తీసుకుంటామని అధికారులు భరోసా ఇచ్చారు. ఈ కార్యక్రమంలో వట్టిచెరుకూరు, నగరంపాలెం, పట్టాభిపురం, పాత గుంటూరు పోలీస్ స్టేషన్ల సీఐలు, ఎస్‌ఐలు పాల్గొన్నారు. ప్రజల రక్షణ కోసం ప్రాణాలర్పించిన అమరవీరుల కుటుంబాల సంక్షేమానికి పోలీస్ శాఖ కట్టుబడి ఉంటుందని అధికారులు స్పష్టం చేశారు.
