Health Tips: రోజూ ఒక్క 30 నిమిషాలు పరిగెత్తండి చాలు.. మీ శరీరంలో జరిగే మార్పులు ఆశ్చర్యానికి గురి చేస్తాయి
Health Tips: ఈ రోజుల్లో ఆరోగ్యంగా, ఫిట్గా ఉండటం చాలామందికి పెద్ద సవాలుగా మారింది.
Health Tips: రోజూ ఒక్క 30 నిమిషాలు పరిగెత్తండి చాలు.. మీ శరీరంలో జరిగే మార్పులు ఆశ్చర్యానికి గురి చేస్తాయి
Health Tips: ఈ రోజుల్లో ఆరోగ్యంగా, ఫిట్గా ఉండటం చాలామందికి పెద్ద సవాలుగా మారింది. కొందరు జిమ్కు వెళ్లి వ్యాయామం చేస్తే, మరికొందరు రన్నింగ్ను ఎంచుకుంటున్నారు. అయితే రోజూ కేవలం 30 నిమిషాలు రన్నింగ్ చేయడం వల్ల శరీరానికే కాదు, మానసిక ఆరోగ్యానికీ ఎన్నో ప్రయోజనాలు కలుగుతాయని నిపుణులు చెబుతున్నారు.
గుండె ఆరోగ్యానికి ఎంతో మేలు
రన్నింగ్ చేయడం వల్ల గుండె వేగంగా పనిచేస్తుంది. దీంతో శరీరమంతా రక్త ప్రసరణ మెరుగవుతుంది. గుండె కండరాలు బలపడటంతో పాటు రక్తపోటు, గుండె జబ్బులు, స్ట్రోక్ వంటి సమస్యల ముప్పు తగ్గే అవకాశం ఉంటుంది. క్రమం తప్పకుండా పరుగెత్తడం గుండె ఆరోగ్యాన్ని మెరుగుపరచడంలో సహాయపడుతుంది.
బరువు తగ్గడంలో పనిచేస్తుంది
బరువు తగ్గాలని అనుకునేవారికి రన్నింగ్ మంచి వ్యాయామంగా చెప్పొచ్చు. ఇది అధిక స్థాయిలో కేలరీలను ఖర్చు చేసే కార్డియో వ్యాయామం. రన్నింగ్ పూర్తయిన తర్వాత కూడా కొంతసేపు శరీరంలో మెటబాలిజం వేగంగా పనిచేస్తుంది. దీంతో అదనంగా పేరుకుపోయిన కొవ్వు క్రమంగా కరిగేందుకు సహాయపడుతుంది.
ఒత్తిడి తగ్గి మానసిక ప్రశాంతత పెరుగుతుంది
పరుగెత్తే సమయంలో శరీరంలో ఎండార్ఫిన్స్ అనే హార్మోన్ విడుదల అవుతుంది. దీనిని "హ్యాపీ హార్మోన్" అని కూడా అంటారు. ఇది ఒత్తిడి, ఆందోళన, నిరాశ వంటి సమస్యలను తగ్గించి మనసును ప్రశాంతంగా ఉంచుతుంది. ముఖ్యంగా ఉదయం రన్నింగ్ చేస్తే రోజంతా ఉత్సాహంగా, చురుకుగా ఉండేందుకు ఉపయోగపడుతుంది.
ఎముకలు, కండరాలు బలంగా మారతాయి
రన్నింగ్ ఒక వెయిట్ బేరింగ్ వ్యాయామం. పరుగెత్తే సమయంలో కాళ్లు, నడుము, పొత్తికడుపు భాగంలోని కండరాలు ఎక్కువగా పనిచేస్తాయి. దీంతో అవి బలపడతాయి. అలాగే ఎముకల సాంద్రత కూడా పెరిగి వయసు పెరిగే కొద్దీ వచ్చే ఆస్టియోపోరోసిస్, కీళ్ల నొప్పులు వంటి సమస్యల ప్రమాదం తగ్గే అవకాశం ఉంటుంది.
మంచి నిద్రతో పాటు రోగనిరోధక శక్తి పెరుగుతుంది
ప్రతిరోజూ రన్నింగ్ చేసే వారికి నిద్ర నాణ్యత మెరుగుపడుతుంది. త్వరగా నిద్ర పట్టడమే కాకుండా గాఢ నిద్ర కూడా వస్తుంది. అలాగే శరీరంలోని రోగనిరోధక శక్తి బలపడటానికి కూడా ఇది సహాయపడుతుంది. దీంతో సాధారణ జలుబు, దగ్గు వంటి చిన్నచిన్న ఇన్ఫెక్షన్ల బారిన పడే అవకాశాలు తగ్గుతాయి.
గమనిక: పైన తెలిపిన వివరాలను కేవలం ప్రాథమిక సమాచారంగానే భావించాలి. ఆరోగ్యానికి సంబంధించినంత వరకు వైద్యుల సూచనలు పాటించడమే ఉత్తమం.
Mokshith
2015లో జర్నలిజం స్కూల్ ద్వారా నా కెరీర్ను ప్రారంభించాను. అనంతరం 2016 నుంచి పలు మీడియా సంస్థల్లో పనిచేశాను. మొదట ప్రింట్ ఆ తర్వాత డిజిటల్లో కలిపి మొత్తం 10 ఏళ్ల అనుభవం ఉంది. నేను ఎక్కువగా లైఫ్స్టైల్, అంతర్జాతీయం, టెక్నాలజీ, బిజినెస్, ఆస్ట్రాలజీకి సంబంధించి వార్తలు రాస్తుంటాను.