Health Tips: లిప్ స్టిక్ వాడితే క్యాన్సర్ వస్తుందా.? డాక్టర్ హెచ్చరికలు

Health Tips: మహిళల మేకప్‌లో లిప్‌స్టిక్ అత్యంత ముఖ్యమైన భాగం. అయితే రసాయనాలతో కూడిన లిప్‌స్టిక్‌లను రోజూ వాడటం వల్ల క్యాన్సర్ వచ్చే ప్రమాదం ఉందని వైద్యులు హెచ్చరిస్తున్నారు.

ప్రస్తుత ఆధునిక కాలంలో మహిళల రోజువారీ జీవనశైలిలో సౌందర్య సాధనాల వాడకం సర్వసాధారణమైపోయింది. ముఖ్యంగా ఆఫీసులకు వెళ్లేవారైనా, ఫంక్షన్లకు వెళ్లేవారైనా పెదవుల అందాన్ని పెంచేందుకు 'లిప్‌స్టిక్' తప్పనిసరిగా వాడుతుంటారు. అయితే, నిత్యం మనం ఎంతో ఇష్టంగా వాడే ఈ లిప్‌స్టిక్‌ల వెనుక ఒక భయంకరమైన ఆరోగ్య ముప్పు పొంచి ఉందని వైద్యులు హెచ్చరిస్తున్నారు. రసాయనాలతో కూడిన లిప్‌స్టిక్‌లను ప్రతిరోజూ వాడటం వల్ల ప్రాణాంతకమైన క్యాన్సర్ బారిన పడే ప్రమాదం ఉందని నిపుణులు అప్రమత్తం చేస్తున్నారు.

ఆరోగ్య నిపుణుల హెచ్చరికల ప్రకారం.. మార్కెట్లో లభించే చాలా రకాల లిప్‌స్టిక్‌లలో రంగు, సువాసన, అది ఎక్కువసేపు పెదవులపై నిలిచి ఉండటం కోసం సీసం, కాడ్మియం, క్రోమియం వంటి ప్రమాదకరమైన భారీ లోహాలు, రసాయనాలను ఉపయోగిస్తుంటారు. మనం రోజూ లిప్‌స్టిక్ వేసుకున్నప్పుడు, తెలియకుండానే ఆహారం లేదా లాలాజలం ద్వారా ఆ రసాయనాలు మన కడుపులోకి చేరతాయి. ముఖ్యంగా తక్కువ ధరకు లభించే చీప్ క్వాలిటీ ప్రొడక్ట్స్ వాడటం వల్ల ఈ క్యాన్సర్ ముప్పు మరింత పెరుగుతుందని వైద్యులు స్పష్టం చేస్తున్నారు. ఇవి కేవలం పెదవుల నలుపు రంగుకే కాకుండా, దీర్ఘకాలంలో హార్మోన్ల అసమతుల్యతకు కూడా దారితీస్తాయి.

ఈ కెమికల్ ముప్పు నుంచి బయటపడటానికి మహిళలు తమ అలవాట్లలో కొన్ని మార్పులు చేసుకోవాలని నిపుణులు సూచిస్తున్నారు. మార్కెట్లో దొరికే రసాయనాల లిప్‌స్టిక్‌లకు బదులుగా.. బీట్‌రూట్, క్యారెట్, వివిధ రకాల పూల వంటి సహజసిద్ధమైన పదార్థాలతో ఇంట్లోనే సులభంగా తయారుచేసుకునే లిప్ కలర్స్ లేదా పూర్తిగా ఆర్గానిక్, నేచురల్ ప్రొడక్ట్స్‌ను వాడటం ఎంతో సురక్షితం. అందం కంటే ఆరోగ్యమే అత్యంత ముఖ్యం కాబట్టి, బ్రాండెడ్, రసాయనాలు లేని సహజసిద్ధమైన సౌందర్య ఉత్పత్తులనే ఎంచుకోవాలని హెల్త్ నిపుణులు సలహా ఇస్తున్నారు.