HMTV Organic Mela 2026: హైదరాబాద్‌లో హెచ్‌ఎమ్‌టీవీ ‘ఆర్గానిక్ మేళా’: ఆరోగ్యమే మహాభాగ్యం.. నెక్లెస్ రోడ్‌లో మూడు రోజుల పండుగ!

HMTV Organic Mela 2026: నగరవాసులకు ఆరోగ్యకరమైన జీవనశైలిని పరిచయం చేస్తూ, ప్రకృతి వ్యవసాయాన్ని ప్రోత్సహించే దిశగా ప్రముఖ వార్తా సంస్థ హెచ్‌ఎమ్‌టీవీ (hmtv) అడుగులు వేస్తోంది. ‘Hans India’ సహకారంతో మే చివరి వారంలో హైదరాబాద్ నడిబొడ్డున భారీ ఎత్తున ‘ఆర్గానిక్ మేళా’ (Organic Mela) ఎగ్జిబిషన్, సేల్స్‌ను నిర్వహిస్తోంది.

ఆరోగ్యానికి వేదిక.. నెక్లెస్ రోడ్ వేదిక

ప్రకృతి ప్రసాదించిన స్వచ్ఛమైన ఆహారాన్ని నేరుగా రైతుల నుంచి ప్రజలకు చేరవేయాలనే లక్ష్యంతో ఈ మేళాను ఏర్పాటు చేస్తున్నారు. మే 29, 30 , 31 తేదీలలో ట్యాంక్‌బండ్ సమీపంలోని నెక్లెస్ రోడ్, ఐమాక్స్ పక్కన ఉన్న హెచ్‌ఎండీఏ (HMDA) గ్రౌండ్స్‌లో ఈ ప్రదర్శన జరగనుంది. ఉదయం 10 గంటల నుంచి రాత్రి 9 గంటల వరకు సందర్శకులు ఉచితంగా ప్రవేశించవచ్చు.

మేళాలో ప్రధాన ఆకర్షణలు

ఈ మూడు రోజుల ప్రదర్శనలో సుమారు 200కు పైగా సేంద్రియ ఉత్పత్తుల స్టాళ్లను ఏర్పాటు చేస్తున్నారు. ఇందులో లభించే కొన్ని ముఖ్యమైన కేటగిరీలు:

సిరిధాన్యాలు & బియ్యం: రకరకాల చిరుధాన్యాలు (మిల్లెట్స్), సంప్రదాయ బియ్యం రకాలు.

తాజా ఉత్పత్తులు: సేంద్రియ పద్ధతిలో పండించిన కాయగూరలు, సీజనల్ మామిడి పండ్లు, సపోటా.

హ్యాండ్లూమ్ & హ్యాండీక్రాఫ్ట్స్: చేనేత వస్త్రాలు , హస్తకళా రూపాలు.

పాడి ఉత్పత్తులు & తేనె: స్వచ్ఛమైన ఆవు పాలు, నెయ్యి , అటవీ తేనె.

వ్యవసాయ పనిముట్లు: ప్రకృతి వ్యవసాయానికి అవసరమైన యంత్రాలు, దేశీ విత్తనాలు , బయో ఫెర్టిలైజర్స్.

రైతులకు , వినియోగదారులకు అవగాహన

కేవలం అమ్మకాలు మాత్రమే కాకుండా, ప్రముఖ వక్తలచే అవగాహన సదస్సులను కూడా నిర్వహించనున్నారు. ఆరోగ్యకరమైన ఆహారం తీసుకోవడం వల్ల కలిగే ప్రయోజనాలు, చిరుధాన్యాలను నిత్య జీవితంలో ఎలా భాగం చేసుకోవాలి అనే అంశాలపై నిపుణులు సూచనలు ఇస్తారు. రైతుల కోసం అధునాతన సేంద్రియ సాగు పద్ధతులపై శిక్షణా తరగతులు ఉంటాయి.

స్టాళ్ల వివరాలు , ప్రమోషన్స్

ఈ ఆర్గానిక్ మేళాలో తమ ఉత్పత్తులను ప్రదర్శించాలనుకునే వ్యాపారుల కోసం నిర్వాహకులు వివిధ రకాల స్టాల్ సైజులను, ఆకర్షణీయమైన డిస్కౌంట్లతో అందుబాటులో ఉంచారు. ప్రాథమికంగా 4x10 సైజు స్టాల్ ధర 30,000 రూపాయలుగా నిర్ణయించగా, దీనిపై 25% డిస్కౌంట్ లభిస్తుంది; ఇందులో ఒక టేబుల్, రెండు కుర్చీలతో పాటు ఇద్దరు సభ్యులకు భోజన వసతి కల్పిస్తారు. కొంచెం పెద్దదైన 6x10 స్టాల్ ధర 45,000 రూపాయలు కాగా, దీనిపై కూడా 25% డిస్కౌంట్ ఉంటుంది; ఈ స్టాల్ తీసుకున్న వారికి ఒక టేబుల్, మూడు కుర్చీలు మరియు ముగ్గురికి భోజన సౌకర్యం లభిస్తుంది.

మరింత ఎక్కువ స్థలం కావాలనుకునే వారి కోసం 8x10 సైజు స్టాల్‌ను 60,000 రూపాయలకు అందిస్తున్నారు; దీనిపై ఏకంగా 33% భారీ డిస్కౌంట్ ఉండటమే కాకుండా, రెండు టేబుళ్లు, నాలుగు కుర్చీలు మరియు నలుగురు సభ్యులకు భోజన వసతి లభిస్తుంది. ఇక అన్నిటికంటే పెద్దదైన 10x10 సైజు స్టాల్ ధర 1,00,000 రూపాయలుగా ఉండగా, దీనిపై కూడా 33% డిస్కౌంట్ లభిస్తుంది; ఇందులో రెండు టేబుళ్లు, ఐదు కుర్చీలతో పాటు ఐదుగురు సభ్యులకు భోజనం, సాయంత్రం టీ మరియు డిన్నర్ వంటి పూర్తి స్థాయి వసతులను నిర్వాహకులు కల్పిస్తున్నారు. ఈ డిస్కౌంట్లు అన్నీ మే 15, 2026 వరకు బుక్ చేసుకునే వారికి మాత్రమే వర్తిస్తాయి.

హెచ్‌ఎమ్‌టీవీ తన సోషల్ మీడియా ప్లాట్‌ఫారమ్స్ , న్యూస్ ఛానల్ ద్వారా ఈ మేళాకు భారీ స్థాయిలో ప్రచారం కల్పిస్తోంది. దాదాపు 8 మిలియన్ల మందికి ఈ మేళా చేరువ అవుతుందని నిర్వాహకులు భావిస్తున్నారు.