Amangal: బీజేవైఎం రాష్ట్ర కార్యవర్గంలో ఆమనగల్లుకు చెందిన బహు రవి

Amangal: రంగారెడ్డి జిల్లా ఆమనగల్లుకు చెందిన బహు రవి బీజేవైఎం తెలంగాణ రాష్ట్ర కార్యవర్గ సభ్యుడిగా నియామకం; అధ్యక్షుడు కుందే గణేష్ చేతుల మీదుగా పత్రం.

SRI SAILAM, KALWAKURTHY
Published on: 20 Nov 2026 11:22 PM IST
Amangal
X

Amangal: బీజేవైఎం రాష్ట్ర కార్యవర్గంలో ఆమనగల్లుకు చెందిన బహు రవి

ఆమనగల్లు: రంగారెడ్డి జిల్లా ఆమనగల్లు ప్రముఖ వ్యాపారవేత్త, శ్రీనిధి ఫౌండేషన్ చైర్మన్ బహు రవికి భారతీయ జనతా యువమోర్చా (బీజేవైఎం) తెలంగాణ రాష్ట్ర కార్యవర్గంలో స్థానం లభించింది. ఆయనను రాష్ట్ర కార్యవర్గ సభ్యుడిగా నియమిస్తూ పార్టీ నాయకత్వం నిర్ణయం తీసుకుంది.

ఈ మేరకు నవంబర్ 19న బీజేవైఎం రాష్ట్ర అధ్యక్షుడు కుందే గణేష్ చేతుల మీదుగా బహు రవి నియామక పత్రాన్ని అందుకున్నారు. తనపై నమ్మకంతో బాధ్యతలు అప్పగించిన రాష్ట్ర అధ్యక్షుడు కుందే గణేష్‌కు, తన నియామకానికి సహకరించిన తల్లోజు ఆచారికి ఆయన ప్రత్యేక కృతజ్ఞతలు తెలిపారు.

ఈ సందర్భంగా బహు రవి మాట్లాడుతూ పార్టీ తనపై ఉంచిన నమ్మకాన్ని నిలబెట్టుకుంటానని అన్నారు. బీజేపీ సిద్ధాంతాలకు అనుగుణంగా యువత అభ్యున్నతికి, పార్టీ బలోపేతానికి కృషి చేస్తానని పేర్కొన్నారు. రాష్ట్రవ్యాప్తంగా యువతను సంఘటితం చేస్తూ ప్రజా సమస్యల పరిష్కారానికి తన వంతు బాధ్యతగా పనిచేస్తానని తెలిపారు.

తనకు ఈ అవకాశం కల్పించిన పార్టీ రాష్ట్ర నాయకత్వానికి, సహకరించిన నాయకులు, కార్యకర్తలు, శ్రేయోభిలాషులకు ఆయన ధన్యవాదాలు తెలియజేశారు.

SRI SAILAM, KALWAKURTHY

SRI SAILAM, KALWAKURTHY