Chandanagar: రూఫ్కి వాడే MIVAN అల్యూమినియం బోర్డుల చోరీ ముఠా అరెస్ట్
Chandanagar: నల్లాగండ్ల వర్టెక్స్ వేగా నిర్మాణ స్థలంలో MIVAN అల్యూమినియం బోర్డులు చోరీ చేసిన కేసులో ఐదుగురు దొంగలు, స్క్రాప్ వ్యాపారిని అరెస్ట్ చేసిన చందానగర్ పోలీసులు.
Chandanagar: రూఫ్కి వాడే MIVAN అల్యూమినియం బోర్డుల చోరీ ముఠా అరెస్ట్
చందానగర్: భవన నిర్మాణ ప్రాంతాలలో అల్యూమినియం బోర్డులు, ఇనుప రేకులు దొంగిలిస్తున్న అంతర్జిల్లా దొంగల ముఠా గుట్టును చందానగర్ పోలీసులు రట్టు చేశారు. వర్టెక్స్ వేగా డెవలపర్స్ నిర్మాణ స్థలంలో జరిగిన భారీ చోరీకి సంబంధించి ఐదుగురు దొంగలతో పాటు, దొంగిలించిన సొత్తును కొనుగోలు చేసిన ఒక స్క్రాప్ వ్యాపారిని పోలీసులు సోమవారం అరెస్ట్ చేశారు.
ఈ నెల 19/20 అర్ధరాత్రి నల్లాగండ్ల వద్ద గల వర్టెక్స్ వేగా నిర్మాణ ప్రాంగణం కాంపౌండ్ వాల్ రేకులను తొలగించి, రూఫ్కి వాడే MIVAN అల్యూమినియం బోర్డులను దుండగులు చోరీ చేశారు. ప్రాథమిక విచారణ మరియు సాంకేతిక ఆధారాల ఆధారంగా దర్యాప్తు చేపట్టిన చందానగర్ క్రైమ్ సిబ్బంది ఐదుగురు ప్రధాన నిందితులను అరెస్ట్ చేశారు.
*అరెస్టయిన నిందితులు:*
1. *ఆనంద్ (21)* – ట్రాక్టర్ డ్రైవర్, వడ్డెర బస్తీ, కొండాపూర్ (A-1)
2. *అనిల్ (26)* – ఆటో డ్రైవర్, వడ్డెర బస్తీ, కొండాపూర్ (A-2)
3. *బాలాజీ (19)* – ఆటో డ్రైవర్, వడ్డెర బస్తీ, కొండాపూర్ (A-3)
4. *సుభాష్ (23)* – డ్రైవర్, రాఘవేంద్ర కాలనీ, కొండాపూర్ (A-4)
5. *యోగేష్ దండాగులే (20)* – లేబర్, న్యూ హఫీజ్పేట్, మియాపూర్ (A-5)
6. *బదరాని రత్నాకర్ (34)* – స్క్రాప్ వ్యాపారి, పప్పిరెడ్డి కాలనీ, చందానగర్ (A-9)
*విచారణలో వెలుగుచూసిన కీలక అంశాలు:*
* నిందితులు విచారణలో చందానగర్ (Cr. No. 910/2026), గచ్చిబౌలి (Cr. No. 133/2026, 1473/2026) పోలీస్ స్టేషన్ల పరిధిలోని పలు చోరీల్లో కూడా భాగస్వామ్యం ఉన్నట్లు ఒప్పుకున్నారు.
* ప్రధాన నిందితుడు ఆనంద్ (A-1) గతంలో గచ్చిబౌలి PS లో నమోదైన మరో చోరీ కేసులోనూ నిందితుడు.
* అరెస్టయిన వారి వద్ద నుండి *రూ. 1,00,000 నగదు, నేరానికి ఉపయోగించిన **ట్రోలీ ఆటో (TG07V6429)* మరియు *హీరో హెచ్ఎఫ్ డిలక్స్ బైక్ (TS07JG5636)* లను స్వాధీనం చేసుకున్నారు.
*పరారీలో మరో నలుగురు:*
ఈ కేసులో ప్రమేయం ఉన్న రాజు (A-6), విజయ్ (A-7), చరణప్ప (A-8) మరియు దొంగ సొత్తును కొనుగోలు చేసిన ప్రధాన వ్యాపారి రాజు (A-10) పరారీలో ఉన్నారు. వీరి కోసం పోలీసులు తీవ్రంగా గాలిస్తున్నారు.
భవన నిర్మాణ సంస్థలు, యజమానులు తమ సరుకు నిల్వ ఉంచే ప్రాంతాల వద్ద సీసీటీవీ కెమెరాలు, నిరంతర నిఘా ఏర్పాటు చేసుకోవాలని చందానగర్ పోలీసులు సూచించారు. కేసును ఛేదించిన పోలీస్ అధికారులను, క్రైమ్ సిబ్బందిని ఏసీపీ సిహెచ్. వై. శ్రీనివాస్ కుమార్ అభినందించారు.