Chevella: చేవెళ్లలో పెరిగిన చలి తీవ్రత.. దట్టమైన పొగమంచుతో ఇబ్బందులు

Chevella: చేవెళ్ల నియోజకవర్గంలో పడిపోయిన ఉష్ణోగ్రతలు, పెరిగిన చలి తీవ్రత; ఉదయం 8 గంటలు దాటినా తగ్గని పొగమంచుతో వాహనదారులు, రైతుల అవస్థలు.

RAGHAVENDRA, CHEVELLA
Published on: 22 Nov 2026 5:02 PM IST
Chevella
X

Chevella: చేవెళ్లలో పెరిగిన చలి తీవ్రత.. దట్టమైన పొగమంచుతో ఇబ్బందులు

చేవెళ్ల: చేవెళ్ల నియోజకవర్గ వ్యాప్తంగా చలి తీవ్రత రోజురోజుకూ పెరుగుతోంది. గత కొన్ని రోజులుగా ఎండ తీవ్రతతో ఇబ్బందులు పడిన ప్రజలకు ప్రస్తుతం వాతావరణంలో వచ్చిన మార్పులు ఉపశమనం కలిగిస్తున్నాయి. ఎల్‌నినో ప్రభావంతో కొనసాగిన అధిక ఉష్ణోగ్రతలు క్రమంగా తగ్గుముఖం పట్టడంతో ప్రజలు హర్షం వ్యక్తం చేస్తున్నారు.

ఉదయం 8 గంటలు దాటినా చలి ప్రభావం తగ్గకపోవడంతో పలు ప్రాంతాల్లో దట్టమైన పొగమంచు కమ్ముకుంటోంది. పొగమంచు కారణంగా రహదారులపై ఎదురుగా వచ్చే వాహనాలు సరిగా కనిపించక వాహనదారులు తీవ్ర ఇబ్బందులు ఎదుర్కొంటున్నారు. ముఖ్యంగా ద్విచక్ర వాహనదారులు, ఉదయాన్నే ప్రయాణించే ఉద్యోగులు, రైతులు చలి తీవ్రతతో ఇబ్బందులు పడుతున్నారు.

మరోవైపు ఉదయం వేళల్లో పొగమంచు అందమైన వాతావరణాన్ని తలపిస్తుండగా, చల్లని గాలులతో వాతావరణం ఆహ్లాదకరంగా మారింది. ఇన్నాళ్లూ ఎండ వేడిమితో ఉక్కిరిబిక్కిరైన ప్రజలు చల్లని వాతావరణాన్ని ఆస్వాదిస్తున్నారు.

RAGHAVENDRA, CHEVELLA

RAGHAVENDRA, CHEVELLA