Hyderabad: కొండగట్టు ఆంజనేయ స్వామి చందనోత్సవానికి గవర్నర్ ఆహ్వానం

Hyderabad: 60 ఏళ్ల తర్వాత జరగనున్న కొండగట్టు ఆంజనేయ స్వామి చందనోత్సవ మహోత్సవానికి రావాల్సిందిగా గవర్నర్, డిప్యూటీ సీఎంలకు ఆహ్వాన పత్రికలు అందజేశారు.

ANAND, JAGITYAL
Published on: 17 Nov 2026 11:11 PM IST
Hyderabad
X

Hyderabad: కొండగట్టు ఆంజనేయ స్వామి చందనోత్సవానికి గవర్నర్ ఆహ్వానం

హైదరాబాద్: జగిత్యాల జిల్లా మల్యాల మండలంలోని ప్రసిద్ధ పుణ్యక్షేత్రం కొండగట్టు శ్రీ ఆంజనేయ స్వామి దేవాలయంలో నిర్వహించనున్న చందనోత్సవం, మహా సంప్రోక్షణ మరియు నిజరూప దర్శన మహోత్సవాలకు తెలంగాణ గవర్నర్ శివ ప్రతాప్ శుక్లా, ఉప ముఖ్యమంత్రి మల్లు భట్టి విక్రమార్కలను మంగళవారం ఆహ్వానించారు.

దాదాపు ఆరు దశాబ్దాల (60 ఏళ్ల) తర్వాత అత్యంత వైభవంగా జరగనున్న ఈ విశిష్ట ఆధ్యాత్మిక వేడుకల్లో పాల్గొని, స్వామివారి నిజరూప దర్శనం చేసుకోవాలని చొప్పదండి ఎమ్మెల్యే మేడిపల్లి సత్యం మరియు దేవాదాయ శాఖ ఉన్నతాధికారులు వేర్వేరుగా వారిని కలిసి ఆహ్వాన పత్రికలు అందజేశారు.

* గవర్నర్‌తో భేటీ: లోక్ భవన్‌లో గవర్నర్ శివ ప్రతాప్ శుక్లాను ఎమ్మెల్యే మేడిపల్లి సత్యం, దేవాదాయ శాఖ ముఖ్య కార్యదర్శి శైలజా రామయ్యర్, కమిషనర్ ఎం. హనుమంతరావు కలిసి ఆహ్వానించారు. ఈ సందర్భంగా కొండగట్టు ఆలయ స్థలపురాణం, చారిత్రక నేపథ్యం మరియు 60 ఏళ్లకోసారి జరిగే చందనోత్సవ విశిష్టతను గవర్నర్‌కు వివరించారు.

* డిప్యూటీ సీఎంకు ఆహ్వానం: అనంతరం డిప్యూటీ సీఎం భట్టి విక్రమార్కను ఎమ్మెల్యే మేడిపల్లి సత్యం, దేవాదాయ కమిషనర్ హనుమంతరావు కలిసి ఆహ్వాన పత్రికను అందించారు.

ఈ కార్యక్రమంలో కొండగట్టు ఆలయ ఈఓ అంజనా రెడ్డి, దేవాలయ అర్చకులు, సిబ్బంది పాల్గొన్నారు. నవంబర్ 15 నుంచి 20 వరకు ఈ మహోత్సవాలు జరగనున్నాయి.

ANAND, JAGITYAL

ANAND, JAGITYAL