Hyderabad: నివాస ప్రాంతంలో అక్రమ బాణాసంచా డాంప్.. మంగళ్‌హాట్ పోలీసుల దాడి!
Hyderabad: హైదరాబాద్‌లోని మంగళ్‌హాట్ పరిధిలో అక్రమంగా నిల్వ ఉంచిన రూ. 10 లక్షల విలువై న బాణాసంచాను పోలీసులు జప్తు చేశారు. నిందితుడు కిషోర్ లాల్‌ను అరెస్ట్ చేశారు.
Hyderabad: నివాస ప్రాంతంలో అక్రమ బాణాసంచా డాంప్.. మంగళ్‌హాట్ పోలీసుల దాడి!
Hyderabad: జనసమ్మర్దమున్న నివాస ప్రాంతంలో ఎలాంటి ముందస్తు అనుమతులు లేకుండా అక్రమంగా భారీ ఎత్తున బాణాసంచా నిల్వ ఉంచారన్న నిశ్చిత సమాచారం మేరకు మంగళ్‌హాట్ పోలీసులు గురువారం (15.10.2026) రాత్రి ప్రత్యేక దాడి నిర్వహించారు. రహీంపురాలోని జాలీ హనుమాన్ దేవాలయం ఎదురుగా ఉన్న ఒక నివాస గృహంలో ఈ తనిఖీలు చేపట్టారు.
ఈ తనిఖీల్లో ఎలాంటి రక్షణ చర్యలు పాటించకుండా, సంబంధిత అధికారుల నుండి చెల్లుబాటు అయ్యే అనుమతి పత్రాలు లేదా లైసెన్స్ లేకుండా ప్రమాదకర రీతిలో నిల్వ ఉంచిన వివిధ రకాల బ్రాండెడ్ బాణాసంచా నిల్వలను పోలీసులు గుర్తించారు. జనసందడి ఉన్న ప్రాంతంలో భారీగా పేలుడు పదార్థాలు నిల్వ చేయడం వల్ల స్థానికుల ప్రాణాలకు తీవ్ర ముప్పు వాటిల్లే అవకాశం ఉండటంతో పోలీసులు తక్షణమే చర్యలు చేపట్టారు.
ఈ వ్యవహారంపై మంగళ్‌హాట్ పోలీస్ స్టేషన్‌లో క్రైమ్ నంబర్ 458/2026 కింద భారతీయ న్యాయ సంహిత (BNS) సెక్షన్లు 287, 288 మరియు ఎక్స్‌ప్లోజివ్స్ యాక్ట్ సెక్షన్ 9(B)(1)(b) ప్రకారం కేసు నమోదు చేసి నిందితుడిని అదుపులోకి తీసుకున్నారు.
అదుపులోకి తీసుకున్న నిందితుడి వివరాలు:పేరు: ఎం. కిషోర్ లాల్, వయస్సు: 38 సంవత్సరాలు,వృత్తి: వ్యాపారం,నివాసం: జాలీ హనుమాన్ దేవాలయం ఎదురుగా, రహీంపురా, మంగళ్‌హాట్, హైదరాబాద్
స్వాధీనం చేసుకున్న సొత్తు వివరాలు: నిందితుడి వద్ద నుంచి పలు రకాల బ్రాండెడ్ బాణాసంచా పెటెలు, మల్టీ-షాట్స్, సౌండ్ బాంబులు, చిచ్చుబుడ్లు, భూచక్రాలు, రాకెట్లు మరియు దీపావళి గిఫ్ట్ ప్యాక్‌లను పోలీసులు జప్తు చేశారు. స్వాధీనం చేసుకున్న బాణాసంచా మొత్తం విలువ సుమారు రూ. 10 లక్షలు ఉంటుందని అంచనా.
కుల్సుంపుర ఏసీపీ గారి పర్యవేక్షణలో మంగళ్‌హాట్ సబ్-ఇన్‌స్పెక్టర్ ఎస్. నరేష్, ఎస్ఐ ఆంజనేయులు, ఏఎస్ఐ పద్మారావు మరియు కానిస్టేబుల్ అరవింద్ సమర్థవంతంగా వ్యవహరించి ఈ దాడిని విజయవంతం చేశారు.
జారీ చేసిన వారు: ఎస్. రాఘవేంద్ర,ఇన్‌స్పెక్టర్ ఆఫ్ పోలీస్ (SHO), మంగళ్‌హాట్ పి.ఎస్.,గోల్కొండ జోన్, హైదరాబాద్ సిటీ
