Nizampet: 'వన్ వార్డ్ ఎవరీ డే' బండారి లేఅవుట్‌లో సీఎంసీ కమిషనర్ సమీక్ష!

Nizampet: వన్ వార్డ్ ఎవరీ డే కార్యక్రమంలో భాగంగా సైబరాబాద్ మున్సిపల్ కార్పొరేషన్ (సీఎంసీ) కమిషనర్, జోనల్ కమిషనర్, డిప్యూటీ కమిషనర్, సర్కిల్ అధికారులు, సంబంధిత శాఖల అధికారులు మరియు రెసిడెంట్స్ వెల్ఫేర్ అసోసియేషన్ల (RWAలు) ప్రతినిధులతో కలిసి కుత్బుల్లాపూర్ జోన్, నిజాంపేట్ సర్కిల్ పరిధిలోని బండారి లేఅవుట్ వార్డులో క్షేత్రస్థాయి సమీక్ష నిర్వహించి స్థానిక ప్రజలతో సమావేశమయ్యారు.

ఈ కార్యక్రమంలో స్థానిక ప్రజలు, RWA ప్రతినిధులు తమ ప్రాంతాల్లోని పౌర సమస్యలు, అవసరాలను నేరుగా కార్పొరేషన్ దృష్టికి తీసుకువచ్చారు. రోడ్లు, వీధి దీపాలు, పారిశుద్ధ్యం, పార్కుల అభివృద్ధి మరియు నిర్వహణ, డ్రైనేజీ, ఆక్రమణలు మరియు ఇతర పౌర సౌకర్యాలకు సంబంధించిన పలు అంశాలు చర్చకు వచ్చాయి.

ప్రజలు లేవనెత్తిన ప్రతి సమస్యను క్రమబద్ధంగా నమోదు చేసి, శాఖల వారీగా సమీక్షించాలని కమిషనర్ అధికారులను ఆదేశించారు. సంబంధిత శాఖలు సమస్యలను ప్రాధాన్యతతో పరిశీలించి అవసరమైన చర్యలు చేపట్టాలని సూచించారు.

ఇతర లైన్ డిపార్ట్‌మెంట్లు లేదా ఏజెన్సీల సమన్వయం అవసరమైన అంశాలపై సంబంధిత అధికారులతో సమన్వయం చేసుకుని సకాలంలో చర్యలు తీసుకోవాలని ఆదేశించారు. వార్డు సమావేశంలో ప్రజలు లేవనెత్తిన సమస్యలపై నిరంతర పర్యవేక్షణ ఉండాలని కమిషనర్ సూచించారు.

ప్రజలతో నేరుగా మమేకమై, వార్డు స్థాయి ప్రాధాన్యతలను గుర్తించి, స్థానిక పౌర సమస్యలపై సమన్వయంతో చర్యలు చేపట్టే లక్ష్యంతో వన్ వార్డ్ ఎవరీ డే కార్యక్రమాన్ని సీఎంసీ కొనసాగించారు.